有獎攞好啲，定係做輸家好啲？今年無綫頒獎禮嘅結果，似乎係後者好啲。
最佳女配朱晨麗一句「希望所有喺內地長大嘅小朋友都可以喺香港打出一片天」已經引人側目。有網民問：「點解唔返大陸發展？」噚日即有周刊報道spin咗去話朱晨麗慘慘豬，發現生瘤但唔敢驚動身邊人，寧願推劇唔拍《不懂撒嬌的女人》，最後個角色落咗高海寧手上。報道仲話朱晨麗做手術同出院都係自己一個…
同樣得獎後招是非嘅，係疑於賽前已續約嘅出爐視后唐詩詠。講番先，噚日有報道話，身穿性感開胸裝嘅佢，經過一晚又驚又喜，仲要接受密集式訪問，身心俱疲，結果當晚已經見唔舒服，但都頂硬上，翌日仲病埋，被迫缺席朋友為其舉行嘅祝捷會。
原來唐詩詠嘅不適，唔單止係攝親，仲包括M痛。
連日嚟不斷有網民留言鬧佢，話佢唔應該得視后；亦有人話唐詩詠只係最佳女配角，絕對唔係最佳女主角。
其實宣佈賽果當刻，已有不少網民留言為宣萱田蕊妮抱不平，仲發生咗令人R爆頭嘅俄國人湧入King Jer嘅fb，喺唐詩詠個post狂俾like。（文章連結： http://bit.ly/2n8SGUi ）
罵戰繼續。估唔到未好番晒唐詩詠，又會回應。有網民問：「恭喜你最佳女配角！點解蔡思貝領奬你要黑面嘅？你係咪雙面人啊？」唐詩詠覆佢：「因為女人之苦，每月一次，會有間竭性嘅痛楚，亦害怕有意外發生。令你誤會不好意思。」但亦有人反駁：「關事咩，全晚得嗰刻黑面？有無咁啱？好好戲喎你，唔怪得攞最佳女主角。」繼續咬住唔放。
唐詩詠嘅fans見偶像被圍剿，當然好嬲，紛紛留言反擊。其中有人就寫道：「其實我都唔明，點解之前Yahoo頒獎典禮王浩信同唐詩詠一齊攞視帝視后冇人話水，冇人話唔配攞獎，但係今次TVB攞視后，你哋啲人就咁多聲氣？一個人連續得到三個唔同嘅頒獎典禮肯定得到嘅視后難道不是實至名歸嗎？所以唐詩詠你要加油，你得到視后絕不是浪得虛名，我哋回永遠支持你撐你！」
相關文章：
【獨家】宣萱點解缺席？傳唐詩詠賽前續約無綫 成功封后
http://bit.ly/2DJ0w1e
|
鍾意就快D Share啦！
|
|
|
