掃呢頁CODE去手機

2018年1月25日 星期四

捱病做三陪 城城飛撲透Bra方媛狂掃18對鞋 __,方媛,郭富城,城城,

陪行<br>郭富城病咗都傍實老婆行街,認真唔話得!
捱病做三陪城城飛撲透Bra方媛狂掃18對鞋天王郭富城早前在內地工作,回港後,前日秘密現身養和醫院睇醫生,但病住都要做廿四孝老公!他睇完醫生即趕往會合太 ...


捱病做三陪 城城飛撲透Bra方媛狂掃18對鞋

天王郭富城早前在內地工作,回港後,前日秘密現身養和醫院睇醫生,但病住都要做廿四孝老公!他睇完醫生即趕往會合太太方媛(Moka),期間還化身「三陪」,呆等3小時陪愛妻剪髮外,又陪行名店陪買鞋,難怪Moka全程冧爆甜笑,更風騷透白Bra!

現年52歲的天王郭富城,去年4月迎娶較他年輕22歲的內地女模方媛,同年9月,Moka為他誕下女兒Chant,一家三口幸福滿瀉。榮升父親的城城,每當提起愛女Chant都一副有女萬事足的模樣。城城早前到內地宣傳電影,完成工作後急急回港慰妻女,身體抱恙的他前日到養和醫院睇醫生。

全黑入院睇醫生

當日下午1時許,城城一身全黑打扮,連Cap帽及口罩都是黑色,等升降機時不停在升降機口來回踱步,發現記者後即向着鏡頭手指指,然後急步入升降機。他睇完醫生隨即離開醫院,病住都要做廿四孝老公,搭車趕往中環一間髮型屋會合老婆Moka,化身「三陪」!

他先陪伴早已在店內的Moka剪頭髮,呆坐等足3個小時亦冇怨言,之後再陪戴黑超的Moka去附近商場逛了數間名店,但沒甚斬獲,兩夫婦之後轉戰另一名店TOD'S揀鞋。入店後,城城與Moka解除戒備,城城除下口罩邊講電話邊揀鞋,期間用手機影低鞋款研究,Moka則除下黑超,在店內滿場飛揀選心頭好。

陪買<br>城城陪Moka入店掃貨。
  • 陪買

    城城陪Moka入店掃貨。
陪剪髮<br>城城坐足3粒鐘等老婆剪髮,仲負責扲荷包找數。
  • 陪剪髮

    城城坐足3粒鐘等老婆剪髮,仲負責扲荷包找數。
城城除低口罩,邊講電話邊揀鞋。
  • 城城除低口罩,邊講電話邊揀鞋。
城城見到記者後手指指。
  • 城城見到記者後手指指。
城城在醫院等(車立)時頭耷耷來回踱步。
  • 城城在醫院等(車立)時頭耷耷來回踱步。

住家男留港度歲

兩人逗留約1小時後滿載而歸,愛妻心切的城城買了13對女裝鞋給Moka,自己則買了5對男裝鞋。兩名店員為他們拿着三大袋戰利品步出店門,將總共18對鞋放上城城停泊在附近的座駕,城城與老婆則緊隨步出店舖,見到記者在場即點頭打招呼,風騷的Moka一直甜笑。揀鞋揀到(興)合合的Moka除下牛仔外套,穿黑衫的她身材激凸之餘,原來更「外黑內白」,透出白色Bra,極為搶眼!問到城城新年會在哪度過?他說:「香港!(會唔會陪太太返內地探親?)喺香港。(同囡囡齊齊過年?)當然啦。」兩人之後離開商場上車,城城臨走前表示要趕回家食飯。

Moka入店後即兩頭望搵心水。
  • Moka入店後即兩頭望搵心水。
店員捧着多對鞋,供城城和Moka試穿。
  • 店員捧着多對鞋,供城城和Moka試穿。
城城與老婆總共掃了18對鞋,由店員代為拿着戰利品離開。
  • 城城與老婆總共掃了18對鞋,由店員代為拿着戰利品離開。

文、攝:追蹤組




鍾意就快D Share啦!