熱爆娛樂: 擁八間餅店，謝寧日賣 6500盒曲奇餅 [壹週刊 - 1461

2018年3月8日星期四

擁八間餅店，謝寧日賣 6500盒曲奇餅 [壹週刊 - 1461 - 生活] __,謝寧,M1,

探熱針

擁八間餅店，謝寧日賣 6500盒曲奇餅

八一年港姐冠軍謝寧，跟岑建勳離婚後，一個女人自力更生開創事業，○八年決定開第一間曲奇餅店，卻遇上金融海嘯，昔日闊太日日落鋪幫手賣餅，愈賣愈旺，今年再開多三間分店，現擁八間餅店的她，原來高峰期試過日賣六千五百盒，成為餅界傳奇。

藝術盛宴

上週六（三月三日）中午，向來喜歡搜集日本陶瓷的謝寧，跟七位日本陶藝家玩 crossover，在中環藝穗會舉行「器物與生活」展覽，以美食配陶瓷來一場藝術盛宴。當日謝寧親手下廚煮清酒鮑魚、櫻花 mousse等甜品，佐以不同類型清酒，滿足到場嘉賓視覺和味覺享受。

「我經常去日本搜集陶瓷，身邊呢位二階堂明弘先生，係今次活動其中一個陶藝家，我好鍾意佢嘅作品，後生好有天分，其實我希望透過今次活動，俾多啲人認識日本食器同花器，推廣多啲關於藝術生活。」謝寧說。

謝寧跟日本陶藝家二階堂明弘認識多時，曾在日本煮中國菜給對方品嘗。

謝寧在活動前造了清酒鮑魚，更配以吃得落肚的鮮花點綴。

淡出幕前多年的陳敏兒當日亦有到場支持。

展覽活動中，謝寧特地製造匙羮曲奇，賣相與味道俱佳。

在藝穗會舉行的「器物與生活」展覽。

當中有不少陶瓷展品已經售出。

餅界奇跡

積極參與藝術活動，出身音樂世家的謝寧，去年跟朋友合資音樂學校，培訓有天分青少年，而對自己一手湊大的曲奇餅店，她也未有鬆懈，經常落鋪打躉外，又會定期測試品質，試過高峰期日賣六千五百盒。

「我當日開曲奇餅店遇到金融海嘯，因為租咗鋪同埋訂晒曲奇餅罐，跟拍檔商量過，最後都係覺得應該繼續做。因為喺香港搵唔到好食嘅曲奇，當時先諗到開曲奇餅店，所以零舍有要求，好似用 organic麵粉，又係第一間餅店俾人試食，希望吸取多啲人嘅意見，一年就已經回本。而家做咗差唔多十年，高峰期試過一日賣成六千五百盒，今時今日，如果覺得未到水準，都會成盒餅唔要，總之要有品質保證。」她說。

曲奇餅店邁向十周年，謝寧說對食物要求有增無減，就連身邊人，老公王德偉也被她薰陶，對食物有所選擇：「以前佢唔鍾意食嘢，填飽肚就算，有時啲食物餿咗都唔知，而家就識得搵好嘢食。」她說。