近年被受鄰居噪音滋擾的葉翠翠，由最初啞忍希望以和為貴， 到近日忍無可忍要報警求助，有五個身孕的她，更因事件未能解決， 情緒低落的她，這個月不單未有增磅，反而輕了數磅。
二月初，有五個月身孕的葉翠翠忍唔住在Facebook發火， 大爆過去一年遭樓上鄰居噪音滋擾，最初找管理員幫忙傳話， 以為對方會顧及大肚婆和小孩，停止清早發出噪音， 不過個多月來未見改善兼變本皆厲，投訴無門，她唯有報警求助：「 呢件事搞到我有焦慮症。」
她愈說愈激動更忍着淚表示：「其實報警之後， 朝早都係繼續有發出聲浪，小朋友無辦法再瞓覺，一味喊， 因為我情緒唔係好穩定，佢喺度喊，工人又放咗假， 老公又唔喺屋企，搞到我情緒更加唔穩定， 仲試過攬住小朋友喺度喊。老公問使唔使請假照顧我， 真係唔知樓上單位要精神虐待我哋一家到咩時候？」
葉翠翠一度有意搬屋解決問題，但實在有心無力，她說：「 我有諗過搬屋，但係而家就嚟生，生完湊住兩個小朋友， 唔通執幾件衫去租酒店，想搬又搬唔到，對方又唔認發出噪音， 可以點做？」
事情一直未獲解決，她開始出現失眠，更懷疑自己患有焦慮症：「 我同老公講，發現自己好似有少少焦慮症，好似咩都好驚， 自己一直留意住情況，好快就會有兩個小朋友， 如果兩個小朋友八點鐘一齊被嘈醒，到時應該點做， 我想求吓樓上高抬貴手，體諒樓下有個大肚婆，同埋有個初生嬰兒。 」
來源 source: http://s.nextmedia.com
|
鍾意就快D Share啦！
|
|
|