敖嘉年（左）出席新片記者會，談及恩師洪朝豐。
藝人敖嘉年到九龍灣出席新片記者會，講到洪朝豐去年患上舌癌，視對方為恩師的嘉年表示有安慰對方，亦有跟對方吃過飯，嘉年說：「佢依家情況OK，今日係佢最後一次電療。我同佢講經過今次之後食得清淡啲，我都提議佢食素，唔好食咁多肉，睇吓可唔可以改善病情，佢都好聽話，慢慢去調理吓。（有冇探過佢？）佢做手術之前有同佢食過飯，之後冇搵佢，等佢抖吓，不停都有問候佢，佢平時個人都好健康。」講到洪朝豐樂觀面對死亡，嘉年表示感到安心：「如果唔係我會仲擔心，始終佢係我恩師，所以我都唔希望佢有事，佢都冇同我呻過話做電療辛苦。」
嘉年表示新片中有不少動作戲份，但打鬥場面不及同片的陳國坤吃力：「都辛苦，我哋喺最凍嗰幾日拍，不過今次動作方面就唔算太辛苦，我平時有練習開，都安全啲。（有受傷？）傷到條腰。平時跣親就冇嘢，嗰晚好大霧，我跣咗落條鐵度，痛到我嗌救命。第二日睇跌打，之後仲要負傷拍。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|