口味嘅嘢，無論係嘢食定係女人，都會隨年齡而改變～
俗語都有話「人嘅口味會隨住年齡而改變」，有啲愈嚟愈重口味，有啲就愈嚟愈鍾意清新淡口，唔只係食物，就連女人都一樣！好似天王黎明，年過半百嘅佢多年來傳出過N段戀情，對象嘅「性質」都隨住佢嘅年紀有所轉變，矜貴如「鮑蔘翅肚」，至平凡嘅「碗仔翅」都啱佢心水，對象遍布不同年齡、國籍及階層，由一代女神、港姐等，至普通平民百姓嘅都應有盡有，實在難以捉摸！
20-30歲
貴為天王，黎明年輕時要求亦十分高，全部傳出緋聞嘅都係女神級，仲主攻年齡相若嘅女仔，而佢仲十分鍾情港姐，包括周海媚、李嘉欣及陳淑蘭等。另外，黎明嘅愛並無國籍及界別之分，當中天后兼同鄉王菲同佢傳足10年緋聞，就連有「韓國第一美女」之稱嘅韓星金喜善，都曾與佢傳出地下情。
30-40歲
隨着年齡漸變成熟，黎明嘅口味亦愈見明確，佢對「唇」嘅要求極高，偏愛「厚唇系女神」，當中女星舒淇就因為同佢合作電影《玻璃之城》而傳出相戀，戀情更維持長達7年，直至上年黎明終於公開承認同舒淇嘅一段情。直至2004年，黎明保留咗對港姐嘅堅持，特意親自欽點「厚唇港姐」徐子珊到日本拍攝廣告，繼而傳出緋聞。
40-50歲
其後，黎明開始對較年輕嘅女生有興趣，而且有成家立室嘅打算，不過就依然對厚唇情有獨鍾，終於喺2008年與年輕14載嘅模特兒樂基兒，於美國秘密註冊結婚。結婚4年後，黎明與樂基兒喺生活上出現分歧，終決定和平分手。直至去年，黎明於內地節目透露對另一半嘅要求，指認為30歲以上易溝通，仲表明唔要西方人，女助手Wing Chan正中下懷。
來源 source: http://hk.on.cc
|
鍾意就快D Share啦！
|
|
|