古天樂（左）VS韓庚，正！
藝人古天樂（古仔）、韓庚和林雪等今日出席在灣仔會展舉行的格鬥遊戲真人版電影《真．三國無双》全球發布會，韓庚在戲中飾演「關羽」，他覺得自己身材較瘦，所以事前三個月跑去健身，身形強健不少。而古天樂則演「呂布」，古仔笑言這個遊戲由細玩到大，而他的角色在戲中是最好打，又高人一等，故他笑言：「為角色增高，不過依家矮番！（你嘅角色造型上兩條翎子頭飾咁長，有冇影響拍攝？」因為增高咗，所以都冇人掂到，你哋唔好集中講我兩條嘢」至於林雪的角色則屬好色之徒，問如何訓練好色？他說：「好色呢樣嘢係與生俱來，不過要增少少肥！」
古仔讚韓庚身形好
及後古、韓二人齊齊受訪，講到古天樂拍《真》片時眼部受傷一事，他稱：「當時仍想繼續拍攝，但導演要我休息，咪返香港接受治療！」而韓庚則表示為了想演得角色更神似，才接受訓練，戲中他更要大耍關刀，他說：「舞起上嚟原來幾難！」期間古天樂更爆韓庚健身的理由：「因為有場戲佢要除衫同我對打，都唔明點解古裝片都要除衫？（身材邊個好啲？）梗係韓庚！（尋晚你喺導演會春茗度唱歌喎。）現場氣氛好好，其實我都唔想㗎，大家叫我咪上去唱，驚大家覺得我唱得難聽，希望大家原諒！」問韓庚是否滿意身形？他說：「多啲時間操會更好！」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|