就咁睇又唔似肥咁多啵。
藝人江若琳、杜汶澤及林海峰下午出席好友盧覓雪曲奇品牌活動。剛榮升麵店老闆娘的江若琳笑言新店試業期間，自己一日三餐都在吃麵：「要試清楚，有嘢要改進就執行。（食厭未？）又未喎，因為好多口味，加上又有涼菜，好多嘢試。」由於忙試味關係，這位準新娘足足胖了13磅：「由100升到113，點做運動都覺得個磅係壞嘅唔郁！（驚婚紗唔啱着？）諗住最尾兩個月地獄式減㗎喇！今日嚟有意外收獲，諗住叫盧覓雪幫我做回禮曲奇。」
煮得一手好菜的杜汶澤則堅拒沾指商場：「我又冇盧覓雪做生意咁叻，佢整啲餅好食過霆鋒。（唔驚霆鋒嬲？）事實嘛，霆鋒嗰啲好食，但盧覓雪嗰啲好x好味，好食到要講粗口！講真唔熟唔做，加上力不到不為財，我忙於主持網上節目，咪當佢係盤生意囉。」阿澤不諱言網上節目首年不計成本：「我嘅責任係使錢囉，完全冇壓力，每個月支出幾十萬㗎，好彩有拍檔，集中火力做好節目內容就得。」
來源 source: http://hk.on.cc
|
鍾意就快D Share啦！
|
|
|
