洪杰想演啲躁狂角色，仲有就係拍古裝做大俠，貪佢威風凜凜。
歌手洪杰日前首次到「金像獎頒獎典禮」做現場觀眾，當晚他更化身小粉絲不停集郵，包括出爐影后毛舜筠、任達華等，當中他表示最驚喜是見到台灣音樂人黃韻玲：「佢係我非常欣賞嘅前輩，以前我喺外國長大時都係同班台灣朋友一齊，我屋企睇電視都係睇台灣綜藝同音樂節目，我由十幾歲已欣賞佢，所以喺晚會見到佢一定要影合照。」
問到之後可想嘗試拍戲？洪杰表示：「都有朋友問點解唔見你拍戲，或者唱下啲電影主題曲，其實一直都想試，之前都試過拍幾套戲，覺得拍戲係幾有趣，希望以後會多啲機會。（想拍咩角色？）之前拍戲都拍啲騎呢啲嘅角色，例如古惑仔，我知我嘅性格斯文、內向啲，所以想試下挑戰有狂躁症嘅角色，我都想像唔到呢個嘅自己會係點，同埋古裝片嘅大俠都有興趣試吓，好威風凜凜。」他亦表示認識了個導演，對方想叫他做古惑仔的角色，笑言會考慮吓。另外，他透露下周將出席一間娛樂公司的開幕，自己之後會到這公司旗下的音樂學校任教。
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
