掃呢頁CODE去手機

2018年4月21日 星期六

讚有風度管接送 出入深井欠租單位樂瞳跟男伴返歸密斟 __,樂瞳,

【高警覺】■羅慎安做柴可夫接送樂瞳,樂瞳在停車場時警覺性甚高。樂瞳早前被牽連一宗深井屋苑欠租事件,該單位業主更踢爆男租客與樂瞳同居。日前,本報就在上址 ...


樂瞳早前被牽連一宗深井屋苑欠租事件,該單位業主更踢爆男租客與樂瞳同居。日前,本報就在上址直擊二人同車出入,男租客羅慎安全程做柴可夫司機,接送樂瞳去圓方洽談工作,再齊齊返歸。樂瞳堅稱兩人並非同居情侶,表示去對方家中是因為貪靜、貪方便,傾談慈善公務事宜。

現年31歲的樂瞳去年約滿無綫,外闖獨立發展,出寫真搏命工作,不過感情生活就報稱單身冇拖拍,不過近日她因一名圈外男友人在深井一個屋苑的大單位遭業主追討欠租兩個月事件,涉及金額約4萬,更順手踢爆她在上址居住,而被指二人同居,但她就否認有其事,並自稱仍與家人同住。

樂瞳雖否認戀事,不過本報日前就在該深井被爆出欠租單位守候,發現她與一名年約三十餘歲的男子離開,二人上了一架凌志房車,男方就充當司機,根據運輸署資料顯示,凌志房車登記車主名字叫羅慎安。二人由深井將座駕駛至圓方,身穿白條子恤衫、長牛仔裙的樂曈化上淡妝,與羅慎安齊齊落車,不過未有一齊行入商場。



【傾工作】

■樂瞳去圓方,原來約了DJ Tommy夫婦high tea傾工作。

【等接送】

■樂瞳在時裝店閒逛消磨時間,一接到電話就赴停車場。

【顯風度】

■羅慎安先放下樂瞳,之後獨自泊車,再返回寓所匯合。

貪方便傾嘢

樂瞳一人獨自現身商場,去了一間茶座,原來約了曾為她監製出碟的DJ Tommy夫婦飲下午茶,見三人坐底密密斟,估計是洽談工作,而做「柴可夫」的羅慎安就未有現身。樂瞳與DJ Tommy開完會後,就百無聊賴邊行邊玩手機,再入服飾店消磨時間,之後她接了一個電話即步行到停車場,原來與羅慎安匯合,齊齊返到被爆欠租的深井單位。二人抵達後,羅慎安就貼心將樂瞳放低門口,而他就將車泊在附近停車場,再自行步行返家。

本報昨日致電樂瞳,問到她是否蜜運中,她表示:「其實我嗰日約咗朋友去圓方傾公事,咁啱又約嗰位朋友(羅慎安)講啲嘢,所以見到我跟佢返屋企。」問到她為何要去對方寓所傾談,她說:「我哋呢排幫微笑行動呢個慈善組織搞活動,我係其中一個義工,有時我哋會約埋去佢屋企開會,貪靜啲,幾個朋友傾正經嘢,冇乜特別,我哋當然唔係同居情侶,我講過我仲係同屋企人住,真係開會先同其他義工傾嘢。」

提到羅慎安熱心做柴可夫?樂瞳表示:「佢好gentleman,深井真係好偏遠,朋友都考慮到我身份,未必方便成日出去傾嘢,喺屋企方便啲,我反而冇顧慮到,就令人誤會。」問到二人可有發展空間,她大方表示:「共事都希望大家發展都好,我好欣賞有善心嘅人。」



■羅慎安所租住的深井單位被指欠租,樂瞳指自己無辜捲入事件。

■「宅男女神」樂瞳去年約滿無綫後出寫真,大騷性感身材。資料圖片

撐男伴欠租

另外,講到羅慎安欠租事件,樂瞳被牽連一事,她表示:「朋友覺得唔好意思,出嚟新聞變咗我欠租,我其實唔識業主,亦冇任何contact,何來我欠租,對我有啲唔公平。作為公眾人物,我唔可以為佢發聲,有時做藝人少少慘,好似做少少事就俾人無限放大,朋友事件都套咗落我身上。」之後,樂瞳補充力撐對方:「我覺得呢件事上,我支持佢據理力爭,事錯不在佢,加上事件進入法律程序,但業主仲騷擾緊佢,佢都幾慘,希望朋友可以盡快平息。」

採訪:陳杰

攝影:孔志豪、吳耀輝




鍾意就快D Share啦!