譚小環港姐出身殺入演藝圈，依家就做咗老闆娘！
藝人譚小環由香港小姐搖身一變成為老闆娘，擁有數間小食店的她自言沒想過婚後當少奶奶，老公亦支持她有自己事業。如今小食店漸上軌道，小環坦言比想像中快回本，但賺到的錢都想回饋給員工，做一名良心老闆娘！
譚小環自小喜歡「掃街」吃小食，所以數年前在機緣巧合下踏上老闆娘之路，她表示：「有日幾個朋友一齊出嚟食飯，講開依家工作停滯不前，又想搵啲嘢搞，講講吓大家有共同嗜好，就係『掃街』篤魚蛋、食碗仔翅，傾吓傾吓不如自己開番間用咗好短時間，一個月已經租舖、入伙、裝修。」
Keep狀態見街坊
問到由藝人轉型飲食業，可要衝破心理關口？小環自言完全沒問題，又笑指如今更需要注重形象：「平時嘅我唔化妝，好男仔頭，如果我唔係做娛樂圈，我連Facial都唔會做！依家真係要Keep番自己狀態，面對咁多街坊，佢哋慕名嚟見我，唔可以貨不對辦。」她又感恩小食店漸上軌道：「比我哋預期中快回本，但我哋回本嘅用途有好多，例如我哋會有勤工獎、年尾分紅，咁樣士氣好啲，始終小食店唔係一個好舒服嘅工作環境，我好開心請到一班好好嘅員工，賺咗嘅錢都要回番畀佢哋！」
恨同周潤發合作
小環亦不主張女士婚後當少奶奶，反而應緊貼社會運作，還甜絲絲指老公給予她100%自由：「佢見到咩唔妥會喺側邊提醒我。」她又強調沒退出娛樂圈，更放風指最想跟偶像周潤發合作：「我未試過喺街撞過佢（周潤發），成日見到朋友同佢Selfie（自拍）成功，不知幾恨！我話有冇搞錯，成日落九龍城都撞唔到佢！」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
