掃呢頁CODE去手機

2018年4月29日 星期日

網民指曲風似80年代 阿倫:識唔識音樂? __,阿倫,譚詠麟,

譚詠麟認為做PopMusic好易。樂壇校長譚詠麟(阿倫)出席音樂工作坊,從中篩選其中十首優秀作品加入之後推出的新碟內,不過作品其多,令阿倫都不禁話頭痕 ...


譚詠麟認為做Pop Music好易。


樂壇校長譚詠麟(阿倫)出席音樂工作坊,從中篩選其中十首優秀作品加入之後推出的新碟內,不過作品其多,令阿倫都不禁話頭痕,甚有壓力:「Demo就已經有成千首,似樣啲都幾百首,依家評判就揀咗30幾首出嚟,畀我再揀。但我尋晚(28日)先喺廣州開完騷,今朝7點先喺深圳開完記者會過嚟,用咗5日聽晒咁多首,好難揀,因為水平好好,編曲又好有心,聽完都好有靈感,啓發到自己。」

扯親條腰瞓唔到

阿倫透露昨日開騷時落大雨,台上要就住行,扯親條腰瞓唔到:「希望今次工作坊,起碼可以畀佢哋了解到製作歌嘅過程,流水作業。不過真係忍手篩走都只係得3首,都只係十分之一。」或者留番下一隻碟?阿倫笑謂:「都好,但邊有咁多時間?」他又話為鼓勵參賽者創作廣東歌,最後會送出10部電子平板電腦作禮物。

做民族歌好難

問到為世界盃創作的《我們的夢》可會放於新碟內?阿倫表示不會。講到有網友指曲風似80年代的感覺,他即時嚴肅起來說:「其實點會舊呀?識唔識音樂?我哋又點會冇研究?專登花咗4日半時間去聽超過百首嘅東歐歌,加入民族風,又改編做Pop Music,中間又加咗Rap,所以點會舊?」阿倫又為了慶祝4年一次的世界盃盛事,所以主題曲都富有嘉年華氣氛:「聽過其他國家嘅主題曲,一隻民族風都冇。」最後阿倫指自己聽到的評語都是正面,再重申說:「做Pop Music好易,但做民族歌好難。」

----------------------------

東網巨星開咗ig喇,大家快啲follow

https://goo.gl/KGuo2N 


來源 source: http://hk.on.cc
鍾意就快D Share啦!