掃呢頁CODE去手機

2018年4月9日 星期一

【怕睇蝕?】未婚妻身材惹火 「木偶哥」林師傑計劃自己影婚紗相 __,林師傑,木偶哥,

【新增內容】林師傑噚晚喺牛池灣文娛中心劇院幫好朋友麥皓兒同歌唱老師吳天偉嘅音樂會做表演嘉賓。提到年尾就會同35D索女友歐陽巧瑩結婚,師傑預計擺35圍, ...


【新增內容】

林師傑噚晚喺牛池灣文娛中心劇院幫好朋友麥皓兒同歌唱老師吳天偉嘅音樂會做表演嘉賓。提到年尾就會同35D索女友歐陽巧瑩結婚,師傑預計擺35圍,場地同大概日子都定咗,但都要等落實晒先通知大家,師傑稱最近申請咗四張信用卡用嚟儲積分,娶呢個老婆好好,不停計積分可以換到幾多里數去度蜜月,睇睇去完馬爾代夫可唔可以再飛歐洲,因為冇咗國語台節目主持工作,收入少咗一半,要精打細算。

歐陽巧瑩早前喺IG透露好想去峇里影婚紗相,仲貼咗一張火辣辣嘅泳衣相,非常搶眼。但師傑話大家工作都忙,最後可能要留喺香港影。佢笑笑口話﹕「好彩大家至今都冇乜爭拗,但可能會自己影番,因為我哋對住外人會比較怕羞。」歐陽巧瑩都曾經講過,平時去旅行嘅性感靚相,全部都係由男友操刀,相信婚相都一定好有睇頭。

而同樣係嘉賓嘅布偉傑,同太太快將結婚一年,問有計劃生小朋友未?佢話:「順其自然,呢個月尾終於有時間去到度蜜月,會到清邁玩。」噚晚主角麥皓兒就透露稍後會推出自己歌曲,問到會否跟男友丘梓謙合唱?佢話:「 佢好細心陪我採排,又買生果俾我食,大家互相鼓勵,喺尾段佢會同大家一齊大合唱。」

林師傑同歐陽巧瑩今日一齊出席節目記者會,再講到婚禮籌備情況,師傑話未婚妻精打細算,日日都拎住紙筆計計計。師傑又話未搵兄弟團,有啲人要儲夠膽量先敢開口問,歐陽巧瑩就話搵好姊妹團,不過聽到人講要求姊妹裙性感啲,佢就話可能到時着牛仔褲算。

精選娛聞,喺晒《娛果》

http://fb.com/appledailyent



林師傑大讚女友精打細算,勁碌卡儲積分一齊去度密月。 (攝影﹕馬建華)
麥皓兒開音樂會,男友都有嚟支持。


布偉傑都生B順其自然。
歐陽巧瑩曾留言話好想去峇里影pre-wedding相。(ig圖片)
林師傑同歐陽巧瑩今日再出活動,原來師傑未搵齊兄弟團。


歐陽巧瑩話姊妹團唔會性感,自己都要諗下係咪着牛仔褲。

鍾意就快D Share啦!