2018年4月13日 星期五

胡琳開騷壓力爆煲 不停發夢喊醒 __,胡琳,

出名聲靚嘅Bianca今次開騷講明有驚喜。有爵士靚聲天后之稱的胡琳(Bianca)即將舉行演唱會,一向對自己要求甚高的她積極操弗,預告今次不會再開空頭 ...


出名聲靚嘅Bianca今次開騷講明有驚喜。


有爵士靚聲天后之稱的胡琳(Bianca)即將舉行演唱會,一向對自己要求甚高的她積極操弗,預告今次不會再開空頭支票,除了獻靚聲給歌迷外,更會大騷舞技。不過她自爆應付壓力的能力很低,試過壓力爆煲喊住醒兼皮膚敏感。

將於5月在九展舉行兩場「Shining Moment演唱會」的胡琳透露,希望每場容納到較多觀眾外,亦可做到更多舞台效果,並邀請合作無間、來自紐約的樂隊作最強後盾。談到選歌,她直言很痛苦,因很多歌都是自己的心血,不知如何取捨。

兩個月冇磅重

即將推出廣東大碟的Bianca說:「今次可以話係最滿意嘅專輯,自己都有寫歌同填詞,所以好想喺演唱會同大家分享。」提到過往的演出較少跳舞,她笑言今次不會開空頭支票,特別邀請了著名排舞師Sunny Wong為演唱會排舞,視為一大挑戰。

現已開始積極操弗身形的Bianca笑指,每行一步都覺得很痛苦,因全身肌肉痠痛,但很享受過程。她又自爆近兩個月不敢磅重:「雖然表面上好似冇咩,但係會不停食嘢,瞓覺會不停發夢,試過喊住醒,同埋皮膚好容易敏感,不停提醒自己要放鬆,如果唔係會影響表現。」她指做運動除了可以Keep fit外,亦能抒發情緒。

詳細介紹新歌

談到今年大計,Bianca直言因為推出新專輯和舉行演唱會的檔期相近,所以完騷後想繼續宣傳新專輯,希望可以將每首歌詳細介紹給知音人。

---------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...