2018年4月13日 星期五

做壞蛋得人讚!梁烈唯自嘲:年紀大好鈍 __,梁烈唯,

梁烈唯好開得到認同。藝人梁烈唯出席無綫遊戲節目《降魔的捉妖遊戲》記者會,他表示以前也有玩開遊戲節目,覺得自己玩得叻,但自嘲不知是否年紀大,今次玩得好差 ...


梁烈唯好開得到認同。


藝人梁烈唯出席無綫遊戲節目《降魔的捉妖遊戲》記者會,他表示以前也有玩開遊戲節目,覺得自己玩得叻,但自嘲不知是否年紀大,今次玩得好差:「我覺得自己好鈍,啲遊戲好難玩又配合唔到隊友。我有睇其他人點玩,佢哋真係玩得好叻,一路玩又一路演緊戲,阿Bob(林盛斌)同何廣沛真係玩得好叻,電視製作單位都有讚佢哋,我真係估唔到何廣沛咁犀利,佢真係好聰明。」

多謝美指髮型師

另外,梁烈唯有份主演的邵氏網劇《飛虎之潛行極戰》日前播出,他飾演反派,並非飛虎成員,他坦言:「初時啲人都以為我做番以前飛虎個角式,但今次係全新嘅故事,第一次做反派,好多謝製作單位信任我,我好Enjoy。(你個角式好變態?)好瘋狂,見到啲人死會好開心。(好大挑戰?)我都諗咗好耐要點去處理呢個角色,點先做得好,又唔會畀人覺得好做作,都參考咗好多前輩嘅演出。(有唔少網民讚你做得好?)我最怕啲人接受唔到,又話我抄人,不過出咗嚟大家都好接受,有啲人留言話你個角式雖然好壞,應該要憎你,但你又做到好有型,我覺得要多謝美指同髮型師,當我見到大家嘅反應,我都有即時多謝佢哋。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...