好玄呀！
音樂人陳輝陽將於4月21及22日與女聲合唱再度開騷，他透露由上年10月已開始排練：「呢次會加入劇場元素，有完整嘅故事，佢哋會以唱歌嚟演戲。上次28個人瞓喺度唱《垃圾》嘅形象好震撼，嚟緊會將呢種混合嘅概念更上一層樓咁表達畀大家睇。」選曲方面會與上次完全不同，但陳輝陽認為難度不在於編排：「我搞女聲合唱就好似搞一部電影，第一集好成功，點解要有第二集？我諗得好清楚係咪要搞一個全新嘅，要確定會好睇先搞。」他表示開騷前已計劃好整個藍圖，因此問題不大。
他形容上一場騷讓觀眾透過自我理解而自我療愈，這次則完全關於愛情：「個騷喺情人節公布，新歌《絕》就喺白色情人節發布。演出有趣之處在於唔係跳舞，又唔係音樂劇，而係關於一個人嘅戀愛歷程。」他希望觀眾從中找到自己，聽到關於自己的歌曲，回憶自己走過的歷程：「愛情嘅甜酸苦辣係無意識、隨機咁嚟，有人問係咪好多集體回憶或者共鳴？我覺得係個人回憶同個人好深層嘅感受。」他指表演會提出很多問題，每個人都能因應自己的經歷找答案：「你嘅初戀係咪真係你記憶咁樣？你可能發現未必係咁，又或者更確定係咁。（當中有你嘅經歷？）係所有人嘅經歷，所有人都經歷過初戀同戀愛失敗，但你失敗之後有冇企得番起身？」陳輝陽強調並非表達戀愛是怎樣，而是透過歌曲提供戀愛畫面。
化妝：非常作 MAKE UP FOR EVER ACADEMY HK
來源 source: http://hk.on.cc
|
鍾意就快D Share啦！
|
|
|
