歌手古巨基（基仔）為紅館舉行的《古巨基我們世界巡迴演唱會特別版》開記者會，並宣布加開一場，場數為5月11至14日、合共4場。基仔入行27年，大會安排10名戴着基仔不同年代面具的人員出場，來顯示基仔在不同階段的轉變。其後基仔主持「拉布」儀式，一匹長布全印上基仔歷年來的金曲，而英皇娛樂營運總裁霍汶希和英皇娛樂行政總裁許佩斯為基仔送上超合金模型打氣，預祝他場場爆滿。
有機會再加場
基仔表示昨晚剛在上海完成Fashion show後，即要趕回港出席個唱記者會。他指好開心個唱加場，4月4日就正式公開售票，講到可有機會再加？基仔笑言：「睇埋公開售票後再決定，但其實檔期都有限，本身香港站都係突然其來決定做，平時籌備到宣傳都要半年時間，依家我只係得兩個幾月時間去做密集式宣傳，體力上係辛苦嘅，不過我知道香港歌迷都好期待。」
狂讚老婆
問及今次是婚後第一次在港開演唱會？基仔說：「冇錯，之前一次仲係未婚，今次就已經係人夫，而演唱會裏面都會講一啲時光穿梭嘅橋段，咁婚姻都係我一個階段，所以會分享吓。」問到古太會否上台？基仔笑言：「上台？唔知佢識啲乜喎，你知佢幾怕醜（一係喺屋企偷拍太太啲生活趣事？）嘩，唔好喇，怕嚇親大家佢咁…靚！（咁靚見光怕人搶？）係呀，畀啲Fans搶走點算，佢又靚、又有才華、身材又好！」
杜絕黃牛飛
近日有不少演唱會公開發售時都出現「絕望座位表」，問到能公開發售的門票很少？基仔說：「都有聽同事講要面對『絕望座位表』，所以先要加場，而我只係表演者，座位情況冇了解到， 但知道優先訂票都爆咗， 我都好希望歌迷能夠用正價買到門票，唔好買黃牛。」因黃牛飛猖獗，好友黃子華覺得情願面對台下「吉位」都叫Fans不要買黃牛，基仔表示：「非常贊同，大家唔好買，最多一齊攬炒，台下啲位咪由得佢吉，唔緊要，到時冇咗供求問題、冇人幫襯，黃牛先可以熄滅。」對於買飛實名制的提議，基仔說：「因為自己都未試過實名制，但如果呢個方案可以運作得到，冇影響歌迷購票嘅話都可以考慮。」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|