熱爆娛樂: 【狗仔出更】 49歲彭羚帶13歲細女行街似兩姊妹Shopping _

2018年6月6日星期三

【狗仔出更】 49歲彭羚帶13歲細女行街似兩姊妹Shopping __,彭羚,

現年49歲嘅彭羚，98年嫁林海峰後，至02年推出翻唱專輯《給我唱過的男孩們》就退隱歌樂壇，至今已有十六年，對上一次再踏舞台已經係六年前，為昔日合作無間嘅戰友兼老友黃偉文，喺紅館舉行嘅作品展擔任其中一位嘉賓。

彭羚多年嚟專心相夫教女，與林海峰育有嘅兩位囡囡林泳及林清，今年已分別18歲及13歲。噚日天文台雖然發出1號戒備信號，下午時份亦不時有大雨，但依然無損彭羚陪幼女林清購物興致，下午近4時，《蘋果》發現彭羚兩母女手蹺手喺銅鑼灣shopping。

彭羚今日雖然不施脂粉，又將頭髮束起一個小髻，但穿上白恤衫加短裙仔嘅佢，企喺高度直迫佢嘅幼女身邊，猶如兩姐妹，母女感情亦非常好，全程有講有笑，林清更不時將頭挨近媽咪膊頭。兩人喺一間日本服裝連鎖店Shopping，林清每次睇中心頭好都會同媽咪研究一番，彭羚等囡囡揀好後，就陪佢一齊去試身室試衫。買完衫褲，彭羚再同林清去轉戰APPLE SHOP，入店後彭羚就揾職員問嘢，問完一輪就同女兒離開，然後上七人車走人。

精選娛聞，喺晒《娛果》

http://fb.com/appledailyent

攝影：徐錦池	彭羚兩母女手蹺手喺銅鑼灣shopping。	 下午時份亦不時有大雨，但依然無損彭羚陪幼女林清購物興致。
 母女感情亦非常好，全程有講有笑。	 林清每次睇中心頭好都會同媽咪研究一番。	 彭羚等囡囡揀好後，就陪佢一齊去試身室試衫。
 彭羚企喺高度直迫佢嘅幼女身邊，猶如兩姐妹。