掃呢頁CODE去手機

2018年6月6日 星期三

李克勤:齋坐火車使8萬?克勤:老婆話OK就OK! __,克勤,李克勤,

幾錢對克勤嚟講唔重要,好玩先最緊要!歌手李克勤和太太盧淑儀,偕同好友兼溥儀眼鏡老闆邱子傑及太太邱李茂琪,去日本旅行並乘搭去年五月才通車的超豪華臥鋪列車 ...


幾錢對克勤嚟講唔重要,好玩先最緊要!


歌手李克勤和太太盧淑儀,偕同好友兼溥儀眼鏡老闆邱子傑及太太邱李茂琪,去日本旅行並乘搭去年五月才通車的超豪華臥鋪列車「TRAIN SUITE四季島號」,享受四日三夜的火車之旅,並在社交網分享點滴,引得大批網民大呼「勁葡萄」,指他識歎識玩又識使錢,坐火車都豪花八萬元!

好難Book

身在當地的克勤接受東網訪問,大讚此行非常好玩,問到費用多少,克勤即搞爛gag笑說:「唔知,就好似啲人問有冇膽固醇一樣,冇驗咪唔知囉!哈!我冇問我老婆,佢話ok就ok,最緊要好玩,同埋真係想嚟好耐!其實一直想嘗試火車旅行,日本之前有個好出名嘅Seven Stars觀光鐵路,但非常難Book。到去年知道有四季島號,咁啱助手識一間旅行社可以book到,今次成行係非常開心興奮。」

美景美食俱全

克勤更以「心曠神怡」來形容今次火車旅行的體驗,他說:「膳食好好,我最享受,係坐喺用膳嘅車卡,望住窗外美麗嘅風景,食住米芝蓮大廚煮嘅食物,真係心曠神怡。房間唔係好大,日頭喺兩張梳化,夜晚會將兩張梳化變為單人床,比較上係狹小嘅空間,但以火車嚟計,已經算係相當唔錯。成架火車設計非常特別豪華、注重光線,好多車卡都有透明玻璃,可以有好多光線入到嚟,因為設計者係設計法拉利汽車,所以設計好現代。」雖然此行難忘又好玩,但克勤不忘練歌,為本月十二日舉行的音樂會練歌和練結他。


來源 source: http://hk.on.cc
鍾意就快D Share啦!