掃呢頁CODE去手機

2018年6月6日 星期三

陳柏熹:神秘泰國遊 陳柏熹為父母補搞婚禮 __,陳柏熹,

好溫馨呀!Moiselle太子爺陳栢熹,與父母陳欽杰和徐巧嬌喜歡到泰國旅行。早前父母相約了數位朋友到泰國玩,陳栢熹有見及此,在當地為父母舉行了一個40 ...


好溫馨呀!


Moiselle太子爺陳栢熹,與父母陳欽杰和徐巧嬌喜歡到泰國旅行。早前父母相約了數位朋友到泰國玩,陳栢熹有見及此,在當地為父母舉行了一個40周年結婚派對。陳栢熹表示出發前兩個月,暗地裏相約了約三十位父母的好友秘密出發到泰國會合,包括周汶錡、琦琦、經理人Kim等,送給父母一個驚喜,他說:「因為父母以前好拚搏事業,結婚都冇話搞咩婚禮,趁依家叫做有啲經濟能力,所以不如幫佢搞番個婚禮,再慶祝佢哋結婚周年紀念。」

派對當日,陳栢熹安排了髮型師和化妝師到泰國,起初父母都感到奇怪為何與朋友見面食飯,需出動造型師化妝、set頭,陳栢熹更安排了服裝給二人。徐巧嬌換上服裝後,陳栢熹再為她配上頭飾,徐巧嬌才得知兒子心意是為她舉行派對,徐巧嬌還指套衫靚過她當日結婚嗰套。

妹妹送《陪着你走》

陳栢熹指成件事不想令父母、賓客有壓力,所要做到成個派對好Warm,所以過程沒有交換戒指、沒有揭頭紗,只是交換了粉紅和紅色玖瑰花,感到溫馨和開心。而陳栢熹妹妹則預錄咗一首《陪着你走》,在父母「行禮」時播出,母親感動到不停喊。哥哥則送了一對大公仔,陳栢熹則送上鑽石戒指給父母。

對於驚喜派對,陳欽杰表示:「事前無預備,只係以為同家人、朋友喺當地新屋食吓嘢,但係三個仔女預備咗個特別、有愛嘅派對畀我哋,好感動,好開心。朋友好有愛遠道而來,好錫我哋。多謝三個仔女好有心思,咁辛苦安排,令我哋好難忘、好驚喜。」

徐巧嬌則表示:「所有嘢都係佢哋安排晒,好感動。會所入面布置到小教堂咁,知佢花咗好多心血、心機,真係好孝順。我哋兩夫婦走到呢個年頭,真係感受好深。朋友又嚟埋,感受到嗰種愛同祝福。」


來源 source: http://hk.on.cc
鍾意就快D Share啦!