陳豪與太太陳茵媺出名恩愛，婚後三年抱三，昨日兩人分別出席活動，亦不約而同大談跟子女相處之道。陳豪昨日現身中環海濱活動空間，跟一名5歲的患病小妹妹互動。兩人談到願望，陳豪憶起兒時曾向母親表示不需要願望：「我同媽咪講乜都唔需要，有乜嘢想要我會自己爭取。」他稱自己的三名子女年紀尚輕，還未懂得何謂願望：「佢哋會講鍾意乜食物同玩具，所以𠵱家都會將自己嘅價值觀教仔女。」他又認為父母應該做好榜樣，從旁鼓勵仔女開創自己人生。
| | |
返加拿大探親
不過外表西化的陳豪，直認思想傳統，有時太太比他更勇於讓小朋友嘗試。陳豪說：「我見到佢哋拎玻璃杯會騰騰震，反而太太會由得佢哋，培養佢哋自發性。」他坦言子女已開始識駁嘴，然而兩夫婦都反對體罰：「會有耐性咁講道理，有時都會隻眼開隻眼閉，基本上乜方法都做齊。」
至於陳茵媺昨日和陳嘉寶（Anjaylia）到屯門參與兒童慈善活動，問到會否帶子女參與慈善探訪？陳茵媺說：「都想㗎，我以前喺加拿大時，父母同契媽都成日帶我去參加義工活動，我都想將呢個傳統帶畀小朋友。」近日忙於準備帶三名仔女返加拿大探親，陳茵媺說：「飛16個鐘，希望佢哋乖，佢哋都好興奮，知道好多戶外活動玩。」老公今次不會同行，她笑言可以讓老公放假。
陳嘉寶夫埋怨
Anjaylia表示婚後不停工作，仍未去度蜜月，更自爆老公有怨言：「本來想去非洲睇野生動物，但我問老公可唔可以轉去其他近啲嘅地方，但佢話要去未去過嘅地方，惟有拖住先。」
採訪：曹家誠、馬建華
攝影：曹家誠、林賓尼
|
鍾意就快D Share啦！
|
|
|