有姿色冇知識？
港姐係「美貌與智慧並重」，有姿色亦都要有知識，但睇完呢段片，你哋會點諗？
無綫facebook專頁上載兩條片，問問應屆港姐們小知識！首先問吓港姐口號「Be the best,Beat the rest！」先啦，參選得應該要知嘅，非也非也！原來唔係個個都知，有啲要人提水先講得出呀！蘭依婷就好自信咁話「挑戰自己」，當問佢英文口號係咩，佢就窒咗一窒話：「B DA BEST」兩句讀都一樣，令人汗顏！工藤佑彩都答得好精彩，佢話：「Be the best,Beat the red！」真係笑爆嘴！丁子田就連「口號」係咩都唔知，要講英文「Slogan」先識答呀！
再問吓中國傳統節日吖！中秋節就到，港姐們月餅就應該食得多，但知唔知喺農曆幾月幾日先！但原來佢哋都唔係好知！丁子田就話唔知道，再問佢知唔知Dragon Boat Festival（端午節）幾時？佢就話冇慶祝Dragon Ball Festival，龍珠節咩玩法先！
不如再問吓簡單啲嘅，小學就開始讀嘅唐詩《靜夜思》，應該識喇啩？大家太高估佢哋喇，原來好多港姐都唔識！問佢哋「床前明月光」下一句係咩？黃子桐話答「疑是地下霜」，仲好肯定咁問話唔係咩！楊帆就話：「疑下地上心。」蘭依婷就突破盲腸：「地圖思故亨」。港姐們，係「疑是地上霜」呀！問到首詩叫咩？李明芙就答《床前詩》。問到歇後語「牛唔飲水」下一句係咩？楊帆就話：「我想要飲水」蘭依婷就話：「唔飲水我唔低頭。」鄧美欣就話：「阿媽叫你去飲湯，之後去做功課。」唔通佢哋都冇聽過？
來源 source: http://hk.on.cc
|
鍾意就快D Share啦！
|
|
|
