掃呢頁CODE去手機

2018年8月25日 星期六

【阿Sa再嫁人啦】受阿驕影響又爆喜訊 蔡卓妍明年底嫁百億雀館太子爺(足本版) __,阿Sa,蔡卓妍,

恭喜!恭喜!最近聽到阿Sa出年年尾會同男友石恆聰Anthony結婚,如果係真嘅,真係戥佢開心。男友Anthony來頭勁,係瑞興麻雀館嘅後人,家族有百億 ...




恭喜!恭喜!最近聽到阿Sa出年年尾會同男友石恆聰Anthony結婚,如果係真嘅,真係戥佢開心。男友Anthony來頭勁,係瑞興麻雀館嘅後人,家族有百億身家,絕對養得起阿Sa!雖然阿Sa同Anthony拍拖只得年半時間,但佢哋好夾,一有時間會周圍飛過吓二人世界。聽聞Anthony仲未求婚,不過二人已經有共識,出年底結婚。

點解要等年底?係因為Anthony知道阿Sa好想拎影后,見女友今年拍多部戲,好似《聖荷西謀殺案》、《非份熟女》、《感動她77次》、《神探大戰》、《再見UFO》,覺得女友出年有望成為金像獎影后,到時嫁都嫁得開心啲喎!結過一次婚嘅阿Sa,對於婚姻其實睇得唔重,不過,自從老友兼拍檔阿嬌結婚,影響咗佢。特別係阿嬌喺婚禮上冇拋花球,直接拎住個花球放入阿Sa手上,叫佢要幸福,阿Sa真係好感動。加上Anthony係個勁體貼嘅男仔,知道女友冇帶紙巾出街嘅習慣,每次都會將紙巾塞入阿Sa手袋。又好似之前阿Sa玩wakesurfing撞傷額頭,Anthony不知幾擔心,即刻搵埋醫生俾女友睇。阿Sa知男友擔心,好聽話咁keep住覆診,呢日影到佢去中環覆診,睇佢個傷口已接近好番晒,而家只係要貼吓去疤膠布。如果阿Sa真係同Anthony結婚,衷心祝福佢哋幸福、快樂!

攝錄:吳斯金

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!