為咗個仔～Grace轉型都係好事！
失婚藝人林雅詩（Grace）成為單親媽媽獨力撫養兒子，早前突然在社交網發文「爆Seed」指多次被一位圈中人欺騙，叫她預留檔期但最終不了了之，令她損失工作機會，更直指有人多次向她提及「潛規則」邀出席「飯局」，令她對圈中生活心灰意冷。日前有讀者爆料指在上水某商場一間服裝店，見到她落力Sell客買衫。
做售貨員一腳踢
東網昨日（24日）走訪該服裝店，發現Grace一早已在店內打躉，店內服飾主打平民路線，價錢一百幾十不等，「降呢」做阿四的她相當勤力，執貨、熨衫、摺衫、掃地一腳踢。雖然上午時段人流較少，她都「自動波」跑到店外落足嘴頭招攬客人，雖然多次食「檸檬」，但都保持微笑，返回店內。至下午茶時段，她走到附近麵包店買了一個8元麵包充饑，期間路過文具店，即入內添置了不少新文具，未知否是為囝囝開學做準備。之後便急急腳返舖，邊食邊開工。
儲錢供囝囝升學
聯絡上Grace問到為何轉行做售貨員？她即說：「唔係轉行！有活動同登台我都會做㗎！」又表示其實時裝店她有份投資：「娛樂圈工作、收入都唔穩定，所以同朋友夾份開咗間時裝店，希望多一個出路，唔想困死自己。我依家要照顧小朋友，其實最大心願係儲一筆錢，等囝囝日後有機會去外國讀書，見識多啲、學多啲嘢，做媽咪嘅幾辛苦都無所謂。」她表示與友人合資六位數字創業，希望可以一年內回本，問到親自拉客會否尷尬，她說：「力不到不為財，自己生意睇緊啲，拉客點解會尷尬？有時有啲客認到我，仲畀人集吓郵添！」
---------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
