熱爆娛樂: 【轉眼20年】同學仔再相聚林峯、楊怡、楊明......邊個轉變最大？ _

2018年8月31日星期五

【轉眼20年】同學仔再相聚林峯、楊怡、楊明......邊個轉變最大？ __,林峯,楊怡,楊明,

(新增回應)

噚日係楊怡嘅39歲生日，日前已經同老公羅仲謙放閃，同一班好朋友慶祝生日。(相關新聞﹕ https://bit.ly/2wswmuv )。今日凌晨楊怡再喺ig出post，今日同佢慶祝生日嘅係第13期無綫電視藝員訓練班嘅同學仔，轉吓眼已經係20年前嘅事，時間真係過得好快。

第13期嘅同學仔好多已經離開咗TVB，好似林峯、楊怡、陳少邦、趙永洪等，只有楊明繼續拼搏，力爭上位；而傅楚惠同徐榮就已經做咗人父母。睇番張陣年畢業照，大家嘅稚氣幾乎冇晒，尤其係林峯，依家個樣真係精緻咗好多，轉變好大。唔少網友都話好掛住《談情說案》嘅「犀利妹」同「Kingsley」，希望佢哋可以再合作。

楊怡留言﹕「相識已是緣份，感恩我們能相遇，相知，相惜，20年的友誼，不容易。13期萬歲，開心難忘的830，謝謝大家#13 #感恩 #幸福 #友誼永固。」

楊怡今日接受《蘋果》訪問，問到邊個係搞手？佢話﹕「冇搞手㗎，定個日子，大家join，咁啱30號大家都得。」正日生日唔使陪老公羅仲謙？楊怡話﹕「我哋同朋友都慶祝了，難得昨天齊腳，訓練班聚會都好重要。謝謝祝福。」

精選娛聞，喺晒《娛果》

http://fb.com/appledailyent

第13期TVB藝訓班學員齊集，轉眼就20年喇！(IG圖片)	大家一齊幫楊怡慶祝生日。(IG圖片)	 20年前嘅畢業相，大家都一臉稚氣。(互聯絡圖片)
 楊怡、趙永洪都已經離開TVB，楊明就搵機會上位。(IG圖片)	 三位靚女......(IG圖片)	 張美妮(左起)、傅楚惠同楊怡已經嫁人做人妻。2(IG圖片)
 扮鬼扮馬(IG圖片)	 (IG圖片)	 (IG圖片)