粉絲點睇？
大陸電視劇《延禧攻略》有唔少感情線，演員喺劇外嘅愛情生活都受到關注，最近就傳出現年37歲飾演「富察皇后」嘅秦嵐有新戀情，而對象竟然係細佢7年、拍過三級片嘅「御前侍衞海蘭察」王冠逸添！不過喺劇中，王冠逸同「明玉」姜梓新深受劇迷喜愛，有網民笑言：「明玉怎麼辦？」
網民發現兩人拍拖「有迹可尋」，包括佢哋經常孖公仔出現，秦嵐好愛錫對方，成日帶住佢出席活動，感覺非常親密熟稔。又經常喺社交網晒愛，不時上載合照。而秦嵐曾喺綜藝節目講過接受姊弟戀，最多12年差距添！所以唔少網民都送上祝福，希望佢哋修成正果！秦嵐雖然感情生活豐富，曾與黃曉明及明道傳過緋聞，與大自己10歲嘅導演陸川拍拖4年多但最後分手收場。
其實秦嵐同王冠逸喺《延禧》前已經合作過兩次，但總共三次合作都冇感情戲，有人估計佢哋係拍《延禧》擦出愛火花！不過，秦嵐就否認戀上王冠逸，對方只係自己公司嘅藝人，所以作為老闆就好自然經常會帶埋對方一齊參加活動，而且大家都唔係對方杯茶！不過「皇后唔急網民急」，網民都好希望佢搵到自己嘅如意皇帝咁話！
來源 source: http://hk.on.cc
|
鍾意就快D Share啦！
|
|
|