薛家燕與于洋在96年於處境劇《真情》中演螢幕夫妻，往前追溯，原來兩人那些年是同校，當年是童星的家燕姐是校花，學弟于洋不時前往偷望，至70年代，于洋加入銀壇才結緣。于洋曾駕駛跑車約家燕姐遊車河，卻被薛母棒打鴛鴦。今年是家燕姐加入娛圈60周年，兩人日前重提這陳年情史，皆忍俊不禁。
採訪：比華利
攝影：郭賢興
現年68歲的薛家燕在8歲就入行，今年是她入行60周年，家燕姐將於12月4、5日踩入紅館舉行「薛家燕愛你無限60年演唱會」。家燕姐日前與同校的于洋重返母校接受本報專訪，校務人員及學妹熱烈歡迎，家燕姐和于洋更到當年經常早禱的教堂參觀，一齊時光倒流。家燕姐當年一邊上學，一邊拍戲，是學校的風頭躉，她笑說小息時有各級同學慕名到課室偷望，其中一個偷望男生，就是現年69歲的于洋。
于洋雖然年長家燕姐一年，但他卻是學弟，因為他由內地來港，追不及程度讀低一班。家燕姐說：「我哋唔係同班，我留意到有個靚仔成日嚟偷睇我。」于洋直認不諱：「佢算係校花，我哋小息就走過去望吓佢有冇返學，我哋只係𡃁仔，點敢同佢交流。」家燕姐中學畢業後全職拍戲，于洋之後也成功投考邵氏而入行。
家燕姐與于洋在70年憑電影《石破天驚》初結片緣，于洋大膽相認同學關係，兩人一齊開工拍戲，火速熟絡。于洋對家燕姐甚有好感，平日除做柴可夫管接管送，有一次更相約遊車河，家燕姐說：「佢當年買咗Alfa Romeo，話接我去街，媽咪聽到要跟埋去。點知落到樓下，佢揸跑車，後面得dog seat，媽咪即刻話『唔好去』，拉我上樓，最終我哋冇得去街。」
| | |
曾江小田食檸檬
趕絕外母型跑車，薛母也「趕絕」于洋，他無奈說：「佢爹哋媽咪好犀利。」家燕姐解釋雙親恐圈中人複雜，反對她跟行內人交往：「估唔到于大哥係最單純，有次我去日本受訓，于大哥過來探我，佢拎個大篋，打開篋，裏面全部係買畀我嘅零食，當時我好感激，但媽咪唔鍾意。曾江約我睇戲，爸爸話佢使乜約我，問佢自己唔識去咩，黎小田都試過。」後來于洋移民加拿大，兩人各自結婚。
家燕姐在84年嫁給生意人石保慶，婚後息影生了三名子女，可是在95年離婚，家燕姐復出接拍《真情》演「好姨」，原本劇中她跟曾江一對，但曾江沒檔期要離開，劇情改為好姨配上高山青，家燕姐向曾勵珍提議找于洋演出，兩人最終變成螢幕夫妻，家燕姐說：「我人生呢60年，佢出現咗好多次。」
工作爆忙難搵伴
匆匆走過60年，家燕姐感慨道：「憑住大家支持，我可以喺逆境變順境，天無絕人之路。」問到家燕姐恨找伴侶嗎？她坦言：「我都唔夠時間做嘢，有時夜晚餐飯都凌晨2點幾先食，要搵個伴，唔通兩點幾食完，三點幾先見佢，個個都走人。每日開心，有好多朋友就夠」
|
鍾意就快D Share啦！
|
|
|