網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年8月24日 星期五

陳奕迅:陳奕迅賀泳隊亞運奪銀 歐鎧淳爆喊:OMG! __,歐鎧淳,陳奕迅,

陳奕迅喺社交網恭賀香港泳隊喺亞運拎咗銀牌。(法新社圖片)香港游泳隊尋日喺雅加達亞運傳嚟好消息,歐鎧淳、楊珍美、陳健樂同鄭莉梅喺女子4x100米混合泳接 ...


陳奕迅喺社交網恭賀香港泳隊喺亞運拎咗銀牌。(法新社圖片)


香港游泳隊尋日喺雅加達亞運傳嚟好消息,歐鎧淳、楊珍美、陳健樂同鄭莉梅喺女子4x100米混合泳接力賽勇奪銀牌,係香港游泳隊24年嚟首次喺亞運會破銅,認真可喜可賀!不過呢個銀牌得來不易,過程相當戲劇性,因為港隊原本係第四名掂池,但後來大會判罰中國及南韓「接棒偷步」犯規,被取消資格,香港隊即升上亞軍取得銀牌!歐鎧淳同隊友即場激動到相擁「爆喊」,表現得難以置信。

歌手陳奕迅都有關注港隊喺亞運會嘅成績,佢今日就喺社交網上載歐鎧淳、楊珍美、陳健樂同鄭莉梅相擁慶祝嘅相,相上有「24年來最佳成績」嘅字眼,仲留咗四個放彩帶嘅表情符號,恭喜港隊咁好成績。而好多網民都留言大撐港隊:「是好的開始,佳績接踵而來,香港運動員加油!」仲有網民話係「香港人的驕傲」!歐鎧淳見到陳奕迅咁支持佢哋,即刻留言「Omg….!!Thank you thank you!」仲加咗個爆喊同香港區旗嘅表情符號添。睇嚟歐鎧淳都仲未平復銀牌失而復得嘅心情,依然好激動呀!

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!