網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年8月15日 星期三

【笑騎騎外父】羅傑承9月嫁女 伴郎伴娘細佬妹包晒嚟做 __,羅傑承,

羅傑承愛女Cherry日前過大禮。
BMA、RedMR老闆羅傑承長女羅雪儀(Cherry)將於9月底出嫁,未婚夫Colin係Cherry當年喺英國讀書時認識,兩人決定拉埋天窗組織小家庭, ...


BMA、Red MR老闆羅傑承長女羅雪儀(Cherry)將於9月底出嫁,未婚夫Colin係Cherry當年喺英國讀書時認識,兩人決定拉埋天窗組織小家庭,伴娘係胞妹羅欣儀(Gloria),伴郎係Colin胞弟。

距離婚期仲有一個月,一對準新人密鑼緊鼓籌備,日前仲過咗大禮,未來外父羅傑承都有參與,兩位妹妹都畀Cherry心心。男家送嚟嘅龍鳳鈪、大堆海味、水果同糕點等,擺滿一枱,喜氣洋洋。

Cherry接受《蘋果》電話訪問時,喜不自勝,笑謂:「我哋之前兩家人都冇過過大禮,所以我同未婚夫都問咗朋友,佢哋教咗我哋應該點做。原來過大禮嗰陣我一定唔可以出去,要完晒成個過程先出得去,有啲糕點仲要擺喺男家,『發』到我哋結婚先可以掉。」

「嗰日女家有畀女婿包羅萬有利是,亦有將佢送畀我哋生果、海味送一半返男家,我哋真係完全唔識,我除咗問朋友,仲上網睇咗到底過大禮喺咩儀式。」

「過大禮嗰日,我哋全家人都好感受到,之前一直有plan緊pre-wedding啲嘢,過大禮係中國傳統,進行時兩家人都好感動同開心。」婚禮籌備成點?Cherry話:「時間不知不覺間,好快到9月,爭啲布置嘢,大致上好多嘢都完成晒。依家暫時未有緊張心情,可能一、兩星期前,我哋儀式好簡單,一個酒會,希望每個賓客都嚟同我哋分享喜悅,Gloria做伴娘,細細妹做姊妹,姊妹兄弟團都係識咗十年以上朋友,相信應該好好玩。」Cherry同陳貝兒老友鬼鬼,到時都會邀請佢出席婚宴。

Cherry同未婚夫Colin早前仲影咗pre-wedding相,準新娘子Cherry笑容甜美,佢同未婚夫Colin仲好有夫妻相,講到當日拍攝趣事,Cherry話:「嗰日影相好好呀,呢排天氣好熱,呢輯相一個半月影,當日天氣唔係好熱,咁啱攝影係我哋好朋友,佢係咁同我哋傾偈,影出嚟好自然,唔經唔覺影咗好多相,我哋呢次係用菲林影,我覺得菲林相自然同靚啲。」



精選娛聞,喺晒《娛果》

http://fb.com/appledailyent

羅傑承愛女Cherry日前過大禮。 Cherry對過大禮完全唔熟悉,全靠問朋友,同網上搵資料。 Cherry對過大禮完全唔熟悉,全靠問朋友,同網上搵資料。
過大禮當天,羅傑承跟準新娘Cherry在家等Colin送禮到女家。

過大禮當天,羅傑承跟準新娘Cherry在家等Colin送禮到女家。
一對新人跟Cherry弟妹合照。

一對新人跟Cherry弟妹合照。
Cherry同未婚夫Colin將於下月拉埋天窗。

Cherry同未婚夫Colin將於下月拉埋天窗。



Cherry同未婚夫Colin郎才女貌。

Cherry同未婚夫Colin郎才女貌。

鍾意就快D Share啦!