掃呢頁CODE去手機

2018年8月31日 星期五

郭晉安:《再創世紀》內地率先播 郭晉安再做奸人 __,《再創世紀》,郭晉安,

郭晉安呢個樣奸到出汁…由藝人郭晉安、羅嘉良及陳錦鴻主演的無綫劇《創世紀》於1999年播放時,掀起追劇潮,就算之後重播,依然有好多觀眾捧場!事隔19年, ...


郭晉安呢個樣奸到出汁…


由藝人郭晉安、羅嘉良及陳錦鴻主演的無綫劇《創世紀》於1999年播放時,掀起追劇潮,就算之後重播,依然有好多觀眾捧場!事隔19年,無綫再推出重頭劇《再創世紀》,令一班劇迷引頸而待。而今次無綫與愛奇藝合作,內地尋日已經播出咗,相反香港9月10日先有得睇!

劇集一開首就由周勵淇孭飛表演街頭舞蹈,之後就開始入正題,劇情講述郭晉安飾演嘅賀天生,係一個非常有心計嘅人,想借住金融風暴吞併胡楓嘅集團,身為賀天生女友嘅楊怡,雖然係胡楓契女,但佢不但冇阻止男友,仲幫埋一份,藉關心胡楓之名,查實收風為實,仲睇住胡楓個敗家仔黃子雄,一步一步咁推公司走上絕路。好彩喺潘志文同林文龍幫助下,總算捱過難關,之後劇情講述郭晉安繼續用盡各種方法,誓要爬上首富呢個位!

因為套劇啱啱開始,好多人物要鋪排出場,暫未知追劇指數有幾高,不過,套戲首集已經有好多靚景睇,去到布拉格、溫哥華等地拍攝,而今次打鑼打鼓話會做奸人嘅郭晉安,真係連笑都奸到出汁,睇到人心都寒。而鍾嘉欣首集亦已經出場,但演出暫時冇乜大驚喜,反而楊怡就畀人感覺奸得嚟又唔算太乞人憎,相信又會掀起一波追劇潮!

對於今次角色奸到爆,郭晉安覺得好特別,並謂:「嘗試下唔同類型嘅角色都好呀。(驚唔驚觀眾討厭?)呢套係一齣大型製作,台前幕後都放咗好多心機落去,作為演員當然好希望有好嘅劇集,畀大家去欣賞。(會唔會擔心觀眾討厭?)咁呢個要問番觀眾,但喜歡我又好,憎我又好,我都會盡力做番好自己嘅本份,接唔接受就交番畀觀眾去決定啦。」


來源 source: http://hk.on.cc
鍾意就快D Share啦!