如果仲未止血，真係好大鑊喎！
藝人陳敏之早前就孖住唐詩詠、王浩信等去到深圳為新劇《解決師》拍攝外景，依家已經轉戰返港繼續開工，尋晚（30日）佢就喺社交網晒相，見到佢同唐文龍去到海傍拍攝，點知鏡頭一轉就見到佢上載自己隻腳爆晒缸嘅相，而唐詩詠都有甫相，相中見到有醫護人員到場幫敏之療傷。
敏之同唐詩詠都分別喺凌晨4點左右上載敏之嘅腳傷照，照片中就見到敏之似係整到腳趾甲，旁邊啲紙巾就滿布血漬，真係我見猶憐，詩詠就留言話見到都痛。另外又有一張相見到有醫護人員協助，而敏之就一邊講電話，一邊檢視傷口。隔咗5個鐘之後，敏之再甫片，見佢喺片中繼續話個傷口仲係好痛，而腳趾甲依然爆缸，嚇到一班網友問係咪仲未止血！不過之後敏之都有甫片，片中佢仔仔仲好Sweet咁送媽咪返工，仔仔跳跳紮，敏之就算受傷都唔記得喇～
頂硬上繼續拍外景
東網聯絡上敏之，佢就話凌晨時份為劇集《解決師》拍攝一場廠内戲份，與唐詩詠做對手戲的她，由於拍攝一個衝入房間的鏡頭時不慎踢到道具床，故爆甲受傷，雖然當時流血又痛，但敏之都堅持完成戲份。她場言：「呢排都好攰，拍緊兩套劇，又成日通宵，一投入之下就撞咗埋床腳，因為我着住露趾高踭鞋，當時已覺得好痛，工作人員問我使唔使換拖鞋，我話拍埋先，點知一睇原來流咗好多血！」敏之因為怕細菌感染，故保安人員即時幫她消毒及包紥傷口，現時敏之又要為另一套劇《鐵探》拍外景，惟有頂硬上，態度認真專業！
來源 source: http://hk.on.cc
|
鍾意就快D Share啦！
|
|
|
