翠如為煲粥煲到喊解畫。
藝人黃翠如下午以品牌代言人身份，出席本屆港姐頒獎禮。穿露肩裝的她明顯瘦到「衣不稱身」，她表示：「可能之前同森美拍出浴戲，浸喺水好耐，完咗之後就感冒喇。」其後她大讚森美身形：「佢話自己冇操，但都好好。（佢好啲定男友蕭正楠好啲？）唔同，阿蕭係可愛型。（同森美出浴尷尬？）完全冇，因為個浴缸唔夠兩個人用，我哋要諗辦法，拍完又要轉缸再拍。」
翠如之前於《美女廚房》煲粥成名，問可有再煲給蕭正楠食？她答：「我病咗，佢今日煲番畀我食。（點解節目內煲粥煲到喊？）因為好感動，連講嘢直接嘅黃宗澤及吳卓義都讚我喎。（煲粥煲到去紅棉道？）總之我哋有我哋嘅節奏，暫時未有節奏，到時亦唔想大家辛苦。」
有指她於康樂園置業作嫁妝，她坦言：「嗰日我係去搵田蕊妮，試過我哋去食飯，搞到原本有嘢做嘅杜汶澤，要放低手頭工作返嚟煮飯。佢話求其煮，但已經乜嘢都有。」
來源 source: http://hk.on.cc
|
鍾意就快D Share啦！
|
|
|
