有診所公然刊登廣告，招攬中介人，替診所揾生意，再拆佣金。
本刊聯同深水埗區議員袁海文團隊，上月一起放蛇直擊，前往尖沙咀海洋中心的冰肌(DeAge)醫療集團有限公司，由一名叫Amy的職員，帶領參觀不同的診所，「我們除了在醫學美容外、還有外科、牙科醫生、亦有提供疫苗及癌症，高質素客人均喜歡來香港看醫生，不會選中國，你睇下香港醫生月薪十幾萬，中國僅是一至兩萬月薪，所以佢哋對呢度較有信心。」
拆帳項目繁多，除了醫學美容療程外、包括通波仔手術可拆佣15%、照腸鏡如有手術費可拆佣兩成、就連持續短缺的九價子宮頸癌（HPV）疫苗均可拆佣，「每支$3500元，從中拆佣$400，你要知道客人會到處格價，唔再似以前中國人咁蠢，你可先向佢哋收取訂$500-1000，總之我收錢後保證有疫苗，唔會「斷針」。」
「你唔會知道我成本多少，總之我們拆帳後仍有利潤，大家都有利可圖」診所職員Amy說。
之後她帶記者轉場至泉源綜合腫瘤中心參觀，「這是梁廣泉醫生開設的癌症中心，佢之前在浸會醫院屬第二把交椅。呢度化療可獲7%佣金，其他腫瘤科醫生係唔會拆佣，你知道癌症藥收費昂貴，他願意拆俾你算好好，只係佢鍾意賺錢，否則都唔會理你，如你咁啱揾到一個鍾意錢的醫生先願意同你拆佣。但有一點要注意，醫生巡房費則無可能拆佣，因為佢哋都要「食飯」。」Amy說。
談及合作細節，Amy以商業秘密為由，着記者先行提供商業登記，拆佣細節需待雙方簽署合約及保密協議後才容後提供，「醫生有權每年更改條款，但保證唔會今次答應拆佣7%，事成後卻得5%。我哋要尊重醫生，你要知道並非每個醫生都會咁做。」她又醒目教路，着記者千萬不能告訴別人有拆佣情況，勿對外宣揚，「你可以話曾經嚟過照腸鏡，覺得呢個醫生非常細心。」
42歲的陳凱旭，00年畢業於港大醫學院，07年開始私人執業，現為Deage冰肌醫療集團有限公司董事及股東。
10年陳凱旭為宣傳新開業的診所，在診所外派發傳單，並向60歲以上長者贈送禮物，被醫委會裁定專業失德，因屬初犯僅發警告信，毋須刊憲；14被指在藥包上貼錯病人姓名標籤，今年一月被醫委會裁定專業失德罪成，予以譴責，毋須停牌。罪成的西醫陳凱旭，日前遭一間本港公司入稟高院追討欠債367萬。
除了較多負責新聞外，陳醫生私生活同樣精彩，有傳媒報導，陳凱旭跟讀醫同學項詩雅結婚，二人育有對一對子女。13年陳跟DR毒針案中的麥允齡醫生打得火熱，當時已婚的麥最後選擇與丈夫分手，16年為陳凱旭誕下女兒，專心相夫教子，現時租住尖沙咀名鑄。
記者周一在牛頭角診所向陳凱旭求證，他堅稱被屈，「近期我們做得很不錯，好多人想誣捏我。我只係一個好卑微醫生，做街坊生意，如咁樣搞垮我，會搞到我跳樓死。你都知道我太太有事，我哋生們生活好大壓力（你跟梁廣泉醫生相熟嗎？）你越描越黑，總之我答咩都死，你當上帝求你，你求上帝，唔好再搞我。」
但相隔7小時，他主動來電卻有另一個說法。他首先澄清不認識Amy，要求記者提供其照片或資料，以便報警處理及尋找此人。他辯稱公司已多次遭人盜用資料，亦曾報警兩次，最後他還感激記者報料，甚至希望記者能協助報案，讓警方深入調查。
泉源綜合腫瘤中心股東及董事梁廣泉醫生則斷言否認有利益瓜葛，知道事件是不容許，一定會跟足指引，他說：「事件可能有誤會，需要了解清楚，但我非常肯定無提供拆佣，我不排除有人利用咁做招徠，如有需要，我可提供銀行月結單作證。」他承認跟陳凱旭醫生相識，雙方診所僅相隔一層樓，印象中Amy是陳的秘書，「佢只係話有保險經紀來參觀診所」。
香港醫學會副會長林哲玄指出，如果當中涉及回佣、介紹費，都是違反專業操守。根據《香港註冊醫生專業守則》，醫生不能提供或接受回佣來獲取病人，有可能被醫務委員會制裁，最嚴重的情況是除牌。
民主黨區議員袁海文批評有人使用「白手套」（意旨蓋着黑手進行，萬一有閃失，背後操控者可推得一乾二淨）「揾職員處理，唔係親口講，要求簽署保密聲明，令你不能向外披露，此做法是極度邪惡，也是違背醫生應遵守的守則。」他認為嚴重影響病人權益，病人蒙在鼓裡，不會知道中介的得益；事件亦暴露大陸的醫療需求會直接影響香港，亦反映醫委會和政府的監管極度不足。
採訪：艾馬 李睿哲
攝影：攝影組
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
