最近忙住拍攝電影《失蹤》同《女子監獄》嘅鍾欣潼（阿嬌），日前參加國內綜藝節目《舉杯呵呵喝》，節目入面，阿嬌同其他節目主持一邊食嘢一邊傾偈，分享生活趣事，期間講到當初入行原來係為咗要養家，仲話自己性格唔係好適合做娛樂圈咁話。
出道十八年，但原來阿嬌從來冇諗過要做明星，「我做這個職業是因為要養家，希望我家人可以過得好。」而且由於成長背景關係，令到佢唔多識同人溝通，特別係男仔，「我整家人男人很少女人比較多，所以我這一進這個圈的時候，我很怕跟男生對話。我不會做人，不會怎麼去表達自己，我的性格真的很不適合，但是我真的很喜歡演戲，很喜歡做這一行工作。」雖然係咁，不過好彩呢十八年有拍檔兼老死阿Sa（蔡卓妍）喺身邊，仲不時有surprise俾佢，阿嬌最印象深刻係有一年生日佢哋喺機場，阿Sa偷偷地整咗個生日蛋糕，因為想踏正十二點同佢慶祝，最後佢過生日嘅地方竟然係機場廁所門口，感動得嚟又好笑。
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
