《延禧攻略》的服飾雖未有跟足歷史，但若從fashion角度去分析《延禧》又如何呢？《蘋果》昨日致電時裝設計師張學潤（NelNel），他大讚《延禧》用色靚：「幾個女主角服裝設計嘅風格都係咁上下，都幾好睇，我最鍾意女主角衣着嘅用色，普遍以灰調為主，雖然初初睇怪怪哋，不過有新意，相比以往清宮劇一味大紅大紫，《延禧》嘅服裝襟睇好多。只係嫌有部份場景，主角同背景有撞色嘅情況出現。」
問到《延禧攻略》跟港劇比較，他慨嘆：「邊有得比？香港都冇budget，多數都係用現成嘅衫。《延禧》嘅衫用嘅布料靚，加上資料搜集做得好充足，睇得出啲手工好仔細。」
鄧小宇：演繹冇咁八婆
《蘋果》亦向著名香港文化人鄧小宇詢問《延禧攻略》是否比《深宮計》好，鄧小宇回覆電郵表示：「起碼表達及演繹冇咁八婆。」《延禧攻略》是否較《深宮計》更為貼近史實，更為美觀？他說：「前者距今才二百多年，較易考據，後者距今千多年，要用想像補充，不過TVB似乎從沒考慮要做其麽考據，甚至刻意俗艷去吸引它的目標師奶觀眾。」鄧小宇對《延禧攻略》的服飾亦很欣賞：「喜歡宮女簡約的髮式和服式，料子選用湖水綠和蝦肉這些清淡色也不喧賓奪主，另富察傅恆的黑服，衣料看來很名貴，cutting好靚，silhouette很fashion。」
採訪：沈麗珠
|
鍾意就快D Share啦！
|
|
|
