日前入院切除大腿內側粉瘤手術的羅霖今日53歲生日，接受東網電話訪問時，氣若游絲談及生日願望及三個寶貝仔時有感而發，期間多次爆喊，泣不成聲，直言離婚六年靠自己養仔，一蚊贍養費都冇收過！
手術後照北上開工
原來羅霖日前接受手術後，因對麻醉藥敏感，本來醫生叮囑她要繼續留院，但為了工作不顧一切照出院。她說：「雖然係小手術，但可能年紀大、身體唔好，估唔到對麻醉藥敏感，全身同內臟都腫晒，仲有呼吸困難，醫生要我打激素同吸氧氣，因為接咗深圳個job，想賺多啲錢，所以第二日即刻出院上深圳開工。」狀態差都照開工，說到這裏她即忍不住哭，邊哭邊說：「我就係知道自己嘅健康唔好，嚟緊日子未必接到咁多工作、收入會少，所以依家做到就做。」
學費由前夫負責
如此辛苦，為的是三個寶貝仔，自從六年前和劉坤銘離婚後，兒子的撫養權屬於共同擁有，前夫負責兒子們在外國讀書的學費，至於在外國讀書的食宿及日常生活開支等，全部由羅霖一力承擔。她說：「大仔外國學費一年9萬由前夫負責，但生活同食宿費係我畀，每年要五十萬。如果啲仔同前夫一齊生活，生活費由前夫畀，我見前幾年自己收入好啲，所以接咗兩個仔返嚟住，想見多啲。」
羅霖說到這裏開始又哭起來：「但係依家我身體咁，知道收入會少咗，所以我同兩個大仔傾過，叫佢哋搬返去前夫度住，希望佢哋體諒，我唔係唔要佢哋，我都好唔捨得，好彩佢哋都明白。如果日後我環境好啲，再會接佢哋返嚟住。」她說自離婚後未試過和前夫直接溝通，一定要透過雙方律師代表傳話，大仔早前曾向前夫說過要搬返去住：「大仔同前夫傾過，佢話ok，但之後我嘅律師收到佢嘅律師信，話要查番呢六年我嘅收入。幾日前去律師樓，呢六年我用咗500幾萬喺三個仔身上。」
老媽受盡冷言冷語
最令她感到冤屈是其78歲的媽媽，和她一起聽盡冷言冷語：「我作為媽媽，為咗三個仔，自己唔食都冇所謂，聽盡冷言冷語，就連我媽都不停聽到，啲人話『你個女收咗劉家咁多膽養費同珠寶首飾，仲喺到扮可憐、講大話！』我好過意唔去，好對阿媽唔住，所以我想公開六年前離婚協議入面，贍養費係零！我冇收過任何錢，唔好再單打我！」
她補充跟律師商量過，最好不要公開，怕搞大件事，我會收到更多律師信，也怕前夫不理兩個大兒子或拖慢商談進度。
---------------------------
東網巨星開咗ig喇，大家快啲follow
https://bit.ly/2JjSVcr
|
鍾意就快D Share啦！
|
|
|
