薛家燕8歲在爺爺壽宴演出，被賓客引薦參演粵語片《七兒八女九狀詞》，從此展開燦爛星途。家燕姐演藝路上，最重要肯定是跟馮素波、沈芝華、陳寶珠、蕭芳芳、王愛明和馮寶寶組成「七公主」。
薛家燕與大家姐馮素波一同受訪，波姐講到結拜經過：「媽咪諗到大家好姊妹，不如組成七公主拍一部古裝。」七公主無分彼此，感情比親姊妹更好。波姐大爆最怕跟公主妹妹出街：「影迷左掹右掹，好瘋狂，掹爛晒我啲衫，所以我習慣着底衫。」家燕姐感恩一直有波姐教誨，波姐亦非常愛錫六位妹妹：「好難得，仲要個個咁齊整喺度，仲做得嘢。」波姐續說：「以前爸爸講，至緊要唔好陀衰家，我以前唔明，老咗先明白一個人嘅嘢係會影響佢哋。點解七公主𠵱家都咁多人鍾意，因為我哋做嘅嘢都好正面，感情好、互相幫忙、年紀有分大細，地位冇分，大家客氣得嚟好守禮。」
來源 source: http://hk.entertainment.appledaily.com
|
鍾意就快D Share啦！
|
|
|
