今年是Danny陳百強六十歲冥壽，他離開時，才三十五歲。
他的家境確是相當不俗，父親陳鵬飛經營鐘錶生意，但Danny從不靠父蔭。所以，如果報道寫Danny是「富家公子」的話，他定必大動肝火。
Danny生前一直覺得，爸爸不在乎他，不欣賞他，他也沒享受過爸爸的錢，也沒問過爸爸要錢。父母緣薄，令Danny耿耿於懷，覺得孤獨，覺得沒人疼。好友何超瓊曾說：「佢個人係要錫佢嘅，佢就好似一個大朋友咁，所以若果要做佢朋友嘅話，一定要錫佢。」
Danny身邊確是不乏漂亮的女伴，也是好友的感情顧問，但拍拖經驗很少——他曾以「健全嘅失敗者」形容自己：「成三十歲喇，仲係寡佬一名，仲未曾試過談戀愛。有時夜闌人靜，都幾多思索。咁點解會咁呢？我啲朋友話，Danny你梗係太過挑剔喇，左挑右剔咁，卒之揀唔到。但我自己覺得，我已經根本……由高水準嘅要求減到低咗好多，但係好可惜仲未出現身旁嘅伴侶。」
同父異母的大哥陳百靈，最近接受《舊日的足跡》車淑梅訪問，也說從未聽過弟弟拍拖。他的紅顏知己如鍾楚紅、張曼玉、梅艷芳都當他是弟弟；至於和翁靜晶的傳聞，陳百靈說他也只是從報章看到，從來沒見過。
為Danny寫出《愛沒有不對》的唐書琛，一直難忘合作的那一天。她說：「我哋約喺唱片公司見面，我坐喺梳化等佢，陳百強拎住一張女仔相『飛』入嚟，坐喺我身邊，黐住我，要我睇嗰張相。上面係一個佢好鍾意嘅女仔。佢問我意見，問我靚唔靚，表白咗好多內心感情。」
後來，Danny寫了一首Melody，要唐書琛為他寫出心中那份愛，唐書琛說：「當然我都有加鹽加醋，嗰個係圈外人……不過，佢就係一個咁樣，隨緣隨性又熱情嘅人。」
訪問中，陳百靈也無可避免地，談到張國榮。
「其實阿強同張國榮係好朋友，我見過佢哋喺麗晶一齊飲下午茶。佢哋之間應該冇乜嘢猜忌，嗰啲都只係外間嘅傳聞。阿強昏迷期間，張國榮都會嚟探佢。」
|
鍾意就快D Share啦！
|
|
|