熱爆娛樂: 【狗仔出更】乖仔送樓生活無憂 74歲劉丹啤酒溝威士忌毫無醉意 _

2018年9月4日星期二

【狗仔出更】乖仔送樓生活無憂 74歲劉丹啤酒溝威士忌毫無醉意 __,劉丹,

劉丹入行將近半個世紀，長壽劇《真情》嘅叉燒炳、《皆大歡喜》嘅王尚、《愛·回家》系列嘅Tiger同熊樹根，好爸爸形象深入民心。

現實中嘅丹爺都係一位好爸爸，當初扶植阿仔劉愷威入TVB，之後愷威返大陸撈到風山水起。丹爺現在拍劇都係「過日晨」，閒時就幫手湊乖孫小糯米。有指愷威去年豪擲5,800萬，購入西貢傲瀧兩個單位，一個4000萬特色戶自住，另一個約1,800萬三房單位就送畀丹爺做父親節禮物，果然係父慈子孝。

丹爺生活無憂，日前《蘋果》就發現佢約埋林保怡等好朋友到灣仔星街嘅林寶堅尼車行有聚會。當晚八時許，林保怡去到車行嘅二樓，一身粉紅young look嘅丹爺與一班朋友早已在內。已經74歲嘅丹爺真係老當益壯，全程站立都好輕鬆，見佢非常飲得，最初同朋友飲啤酒已經係杯杯清，之後再斟威士忌自隊，見佢食住花生笑得好開懷，溝酒飲都毫無醉意。而保怡亦好開心滿場飛，與女性友人見面即興奮擊掌，佢主要飲啤酒，但似乎好肚餓，食嘢多過飲。

之前保怡發現有傳媒拍照，亦禮貌行出門口傾兩句，問係咪林寶堅尼車友聚會？保怡話﹕「唔係普通朋友聚會啫。」之後就返入去繼續再食嘢同飲酒，約兩個小時後先陸續離開。

精選娛聞，喺晒《娛果》 http://fb.com/appledailyent

74歲嘅丹爺好飲得，溝酒飲都毫無醉意。(攝影﹕吳耀輝、孔志豪)	保怡姍姍來遲，嚟到放低袋就同丹爺打招呼。	 丹爺杯杯清，好飲得。
 之後再自斟威士忌。	 保怡見到女友人即興奮擊掌。	 丹爺不停自斟自飲。
 保怡透露非車友會聚會，只係普通朋友相聚。	 劉愷威同楊冪經常要返大陸拍劇，囡囡小糯米主要由爺爺同嫲嫲照顧。(資料圖片)