蔡楓華於85年《勁歌金曲》季選任司儀，在張國榮獲獎後說了一句「一時嘅光輝未必係永恒」，令其事業如中魔咒一直走下坡。事隔33年，他依然耿耿於懷，自言被屈，要討回一個公道：「當年我仲想講『希望張國榮永遠保有呢個永恒落去！』」
撰文：祖李
攝影：林德雄
蔡楓華當紅時，以百萬保時捷代步，現在駕駛的雷諾，馬力比之前的保時捷更大，他說：「我未揸過房車，以前保時捷203匹，𠵱家雷諾265匹，好快。」他又稱自己在蘇屋邨長大，當年目標是做百萬富翁，其次是買單門跑車。
萌輕生之念
談到早年的經濟狀況一直不大理想，但蔡楓華指自己近年儲了不少「彈藥」，經濟漸入佳境。受訪時又突然提起「四大癲王」稱號，且表現激動謂：「我覺得做人最緊要爭氣，為自己爭啖氣，我唔理人哋講我乜，以後我再聽到乜四大癲王，你唔使同我講，我即刻出律師信，你試吓！再講我有精神病，我即刻告你誹謗。唔使諗，我蔡楓華一定告，因為你以前恰我冇錢告你吖嘛！我𠵱家有，我要攞番個公道。」他續謂：「你話我黐線，證據呢？我隨時可以搵個精神科醫生寫張紙，我根本就冇。好似最近盧凱彤，好可惜！」
說到早前墮樓離世的盧凱彤，蔡楓華認為人在大紅時更易萌輕生之念，更爆自己都曾經試過：「其實越紅越易有自殺傾向，我好紅嗰陣，唱片賣得，賣幾十萬隻，壓力好大，喺伊館開六場演唱會，又驚唔爆，又驚人哋唔睇你，好多嘢湧埋嚟，你就會萌輕生之念。不過有網民叫我好好珍惜自己，因為嗰個年代，一線嘅偶像派歌手，得番我一個，冇晒喇！」
訪問期間，蔡楓華主動重提當年與張國榮的恩怨，又強調自己被「冤枉」，更連講五次，重重心結未解。他於85年為《勁歌金曲》季選任司儀，張國榮獲獎後他說了一句：「一時嘅光輝未必係永恒」，即時被拍檔盧敏儀「鬆踭」截停。他說：「我係冤枉！我當時唔係攻擊張國榮，係陰差陽錯，係盧敏儀截咗我，我仲想講嗰一句『希望張國榮就永遠保有呢個永恒落去。』」
唔夠紅含冤
蔡楓華自稱含冤33年：「我承認張國榮係一個天王巨星，我嗰句說話咪提醒咗佢係天王巨星囉！咁我嗰句說話係咪真理先，好似曾蔭權做過特首，無端端變咗階下囚，你話喇，剎那光輝係咪唔係永恒吖？點解你哋一口咬定我係妒忌張國榮？唯一原因係因為我唔夠張國榮紅，所以屈我囉，如果我好似劉德華咁紅，你哋就會話蔡楓華講嘅嘢係啱，但冇人同我呼冤，同我擊鼓鳴冤。」
場地提供：Meeting of Causeway Bay
|
鍾意就快D Share啦！
|
|
|
