風霏中港台嘅大陸劇集《延禧攻略》，該劇就令到戲中嘅「魏瓔珞」吳謹言、「皇后」秦嵐同嫻妃佘詩曼爆紅，近日大陸有消息指，《延禧攻略》會原班人馬推出新劇《《皓鑭傳》。
聽到呢個消息，相信好多人都會好開心同好期待，之但係，有指《皓鑭傳》，並唔係所有人都有得留低㗎喎！咁邊個無得留低呢？
之前「瓔珞」吳謹言就得罪來自央視嘅嫡子大阿哥《中國電影報導》，答應咗做訪問之後都膽敢放飛機，仲要人哋俾場地費，結果俾官媒喺微博發點名批評，未幾傳出廣電總局口頭通知各大影視公司要慎用呢個演員，昨日再有傳兩部電影傾緊用佢，最後決定易角！(新聞連結： https://bit.ly/2NPdNY8 )
咁今次《皓鑭傳》係咪吳謹言被飛呢？答案係：唔係，其實今次未能參與《皓》劇嘅，原來係「皇后」秦嵐同「嫻妃」佘詩曼呢！但其實《皓》劇早於去年12月已經開拍，今年4月已經殺青，所以吳謹言並未受到得疑封殺事件所影響，有份參演該劇。
今次《皓鑭傳》嘅故事就從《延禧攻略》嘅清朝，時光倒流回到戰國秦趙爭鋒的時期；吳謹言亦從令妃，搖身一變成為趙姬李皓鑭（秦始皇嘅媽媽）。而聶遠今次退下皇位，飾演野心勃勃的商人呂不韋。而高貴妃譚卓今次喺《皓》劇入面就搖身變為華陽夫人，秦孝文王最寵幸的王后。
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
