【有辦你睇】李亞男宣佈陀B女 網民祈禱唔好似祖藍 __,李亞男,祖藍,王祖藍,

王祖藍同李亞男結婚3年，一直努力造人，直到今年7月先宣佈造人成功，論成績，唔及好姊妹鍾嘉欣已經湊夠「好」字有一仔一女。李亞男8月出活動，當時透露陀B「 ...

王祖藍同李亞男結婚3年，一直努力造人，直到今年7月先宣佈造人成功，論成績，唔及好姊妹鍾嘉欣已經湊夠「好」字有一仔一女。

李亞男8月出活動，當時透露陀B「過咗4個月」，雖然一直都未有宣佈係B仔定B女，但就露過口風，話驚如果係B女會似爸爸。（新聞連結： http://bit.ly/2oTcJrd ）

咁答案呢？今日李亞男開估，真係陀B女呀！佢喺ig上載咗張孕照，佢雙手呵護住個肚，肚上就寫上「Baby Girl」同兩個心心，佢又留言話：「今日小公主陪我開工，佢好乖！」之前擔心囡囡似爸爸，睇嚟都感染到網民，有人幫佢祈禱話「拜託要像媽媽！」其實唔怪得啲網民擔心，因為之前有人查過史書，清朝有兩位妃嬪分別似祖藍同林盛斌，效果出到嚟搞笑又嚇人。

李亞男今日回覆《蘋果》時話好開心第一胎生女，佢話﹕「男女我都鍾意，不嬲想有囡囡幫佢扮靚，女仔始終黐媽咪多啲吖嘛。其實知道係囡囡時好開心，不嬲想有個女，但都希望第二個係仔啦。現在未買晒bb嘢呀，房裝修緊，最重要佢可以好健康咁出咗嚟，我就放心喇！」

精選娛聞，喺晒《娛果》

http://fb.com/appledailyent

（ig圖片）	李亞男一直未有宣佈BB性別，佢今日喺ig宣佈係B女。（ig圖片）	 有fans祈禱BB女唔好似祖藍。（微博圖片）
 之前有人睇過清朝有兩位妃嬪分別似祖藍同林盛斌。(微博圖片)	 祖藍個樣真係好百變，之前已經同細路女撞樣。(微博圖片)

來源 source: http://hk.entertainment.appledaily.com

鍾意就快D Share啦！

下一篇 》