王敏德兩個女都好有「性格」，大女曼喜鍾意同性公開承認出櫃，細女麗嘉就喜歡少布講過唔著最好。兩姊妹嚟講，家姐曼喜應該無令父母太頭痛，起碼識得公共場合同同性密友保持距離。
王麗嘉出親街都惹火性感非常吸睛，打扮太出位所以經常見報，相信亦令父母王敏德、馬詩慧有啲頭痛。
至於王曼喜，王敏德夫婦應該安心好多，因為就算佢公開承認過出櫃，又曾經同女性朋友當街錫錫過，但經一事蔡一智，最近已經學識咩叫收歛，事關《壹》仔多次撞見佢同幾位不同嘅同性密友出街，彼此間都再無親密行為，並肩而行都只會保持安全距離，就連女孩子們慣常嘅一杯飲品兩份share、約埋一齊蹺住手去廁所，曼喜都可免則免。都啱嘅，雖然香港係大都會，但有啲嘢仲係好保守架，所以有咩事都留返上咗車先啦。
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|