陳展鵬自從宣佈同單文柔結婚，唔少人會諗起胡定欣。煎Pang同胡定欣疑幻似真嘅關係，又真係幾得意嘅，如果只係螢幕情侶或緋聞，咁佢哋又唔使好似好唔like對方，同場會面阻阻兼又ig互相unfollow！講番入行24年嘅煎Pang，佢嘅緋聞女友有姚嘉雯、鍾嘉欣、黃智雯、胡定欣。不過，佢肯承認嘅只有姚嘉雯，仲要係分咗手先肯認。煎Pang以前做訪問時講過，佢話當時分手係因為自己為事業搏殺緊，拍劇時間長，拍拖連見面時間都冇，唔想耽誤女友嘅幸福，所以忍痛分手。佢最近嘅訪問又講，佢話娛樂圈多采多姿，會懷疑想同佢一齊嘅人係咪想借佢上位！咁其實當時佢同姚嘉雯分手，係唔想耽誤對方，定係覺得對方係想借佢上位？抑或係煎Pang想曲線暗示，所有同佢傳過緋聞嘅女星，都係想借佢上位，包括視后胡定欣？
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|