一代名伶吳君麗昨日黃昏撒手人寰，享年84歲。原名吳燕雲的她跟鄧碧雲、鳳凰女、羅艷卿、余麗珍、于素秋、南紅、林鳳被封為「八牡丹」，吳君麗是「白牡丹」，拍過無數粵語片和粵劇。08年更高齡復出拍無綫處境劇《畢打自己人》，近年已甚少露面，今年6月薛家燕娶新抱，已是吳君麗最後一次露面。
| | |
胡楓 ：佢冇辛苦
黃夏蕙昨接受電話訪問證實吳君麗離世：「今晚去晚宴，見到譚炳文囡囡，佢同我講麗姐走咗。」在粵語片年代跟吳君麗合作無間的胡楓，接受電話訪問表示：「我前日同大前日都去醫院探過佢，唔知佢乜事入院，我有問佢認唔認得我，佢有眨吓眼，我諗都係呢幾日，佢屋企人冇講。」胡楓表示人老始終有離開一日，他續說：「最緊要唔好辛苦，我睇佢都冇辛苦。」薛家燕女兒石祐珊則說：「嗰晚細佬結婚，見到君麗姐姐好健康，狀態好好，媽咪仲想請佢嚟睇演唱會，我哋完全唔知君麗姐姐入院，冇收過佢唔舒服嘅消息，媽咪𠵱家錄影電視節目，佢知道一定好傷心！」
謝賢在電話說：「我唔知呀！因為我哋冇合作過，佢多數係唱歌同粵劇嗰邊，識就梗係識啦，但唔熟，就嚟我都走，個個瞓低我哋都覺得可惜，人一定會走，希望佢屋企人節哀順變！」
採訪：陳杰、皓騫
|
鍾意就快D Share啦！
|
|
|