謝雪心話吳君麗之前冇乜病。
藝人羅蘭、謝雪心及Joe Junior出席長者活動，講到羅蘭獲嶺南大學頒發榮譽院士，她連聲多謝，講到她對演藝圈有很多貢獻，她表示：「我都唔知點解，我都係做嘢做嘢咁，我係香港市民中嘅小市民。」Joe Junior和謝雪心亦謂要向羅蘭請教及學習。
另外，講到粵劇名伶吳君麗去世， 羅蘭表示：「我都係頭先聽Joe Junior講先知。（最近有冇見過佢？）個幾兩個月前喺宴會上見到，但當時佢冇事，仲好地地。」Joe Junior亦表示：「我都係今朝先知，我今年都見過佢兩次，但都係好開心、冇嘢嘅。」謝雪心就表示：「我係尋日聽到消息，知道李奇峰先生（粵劇名伶）有入去探過佢，係好突發性嘅事。（係咩病？） 家人唔講，我哋就唔好講，總之就唔係一路嘅病，係忽然間，係短短兩個月嘅事，之前見佢都好精神，我都記得我曾經同佢喺慈善活動上演出過，不過都好多年前啦。」三人亦表示聽到消息很不舒服，唯有好好珍惜每一天。
來源 source: http://hk.on.cc
|
鍾意就快D Share啦！
|
|
|