熱爆娛樂: 【獨家】英雄救美被綁架唐詩詠王浩信被撻到攤攤腰 _

2018年9月17日星期一

【獨家】英雄救美被綁架唐詩詠王浩信被撻到攤攤腰 __,王浩信,詩詠,唐詩詠,

王浩信同唐詩詠喺大台劇集《不懂撒嬌的女人》中擦出火花，佢哋近日又為新劇《解決師》開工，唐詩詠喺戲中扮演黑幫千金小姐，佢唔滿意自己係黑幫家族身分，機緣巧合下，佢認識咗王浩信呢個解決師，每當唐詩詠遇上危險時，王浩信總出現為佢解困。

劇組日前喺尖沙嘴夜班趕戲，劇情交待唐詩詠被綁架，擄走上van仔，王浩信追出嚟救駕，被壞人打到飛起。現場見到王浩信匆匆由樓梯追出嚟，一路被人打，仍衝上van仔解救暈倒車廂嘅唐詩詠，壞人狠打王浩信，佢仲被打到瞓地，好彩鏡頭背後鋪咗床墊，以防王浩信向後撻時受傷，王浩信拍打戲都唔錫身，親身上陣，佢埋位前有做吓拉筋，打得好落力，仲打到裇衫都濕晒。王浩信被「撻生魚」，打到瞓喺地，舊朋友胡琳剛出現，目睹整個過程。唐詩詠未埋位時，佢去咗附近商場買衫同嘆冷氣，佢仲用手按摩自己頭部穴位。處女拍過《溏心風暴3》嘅胡琳，今次再參演《解》劇，佢扮演一名腦神經外科醫生。

問到唐詩詠拍《解》劇趣事？佢日前回覆傳媒：「我好輕鬆呀，呢套劇我淨係不停俾人救，浩信好辛苦。」兩人再次合作，當然更有默契，唐詩詠話：「拍攝順利，過程輕鬆，佢係一個好拍擋。」王浩信也讚唐詩詠：「可以同佢再次合作，演員之間有默契，有火花，方向一致，希望畀到煥然一新嘅感覺觀眾。」王浩信喺劇中好多動作場面，佢笑言：「跌落地慣晒啦，整體上我希望動作畀到新鮮感觀眾，我哋呢個劇好多元素，有江湖、警匪同校園，亦有動作同愛情線，我哋之前同班學生好有火花，佢哋好勤力做好角色，氣氛好好。」

精選娛聞，喺晒《娛果》

http://fb.com/appledailyent

王浩信勇救被綁架嘅唐詩詠。（攝影：仇志德）	王浩信被打，倒後跌落地。	 王浩信被推倒，跌落床墊卸力。
 唐詩詠暈倒車廂中，王浩信走近van仔英雄救美。	 唐詩詠培養情緒入戲。	 工作人員為胡琳整妝。
 《解決師》日前喺沙嘴拍街景。	 王浩信跑落樓梯，避開壞人追打	 唐詩詠見未埋位去附近商場買衫同嘆冷氣。