周潤發（發哥）一連三日台灣之行，本來主要係宣傳電影《無雙》，點知變成「全民運動」。6號抵台，7號一早到大安森林公園晨跑，下午又從南港展覽館搭捷運到市政府站被集郵。8號一大早又去陽明山路跑。
發哥今日離台，當然傳媒一早預計「陪跑人數」必暴增，果然今早6點半，發哥已出門去陽明山晨跑，大批傳媒亦一早守候，準備跟隨發哥一齊晨跑！
「台灣跑步團」瞬間暴增4倍，難怪發哥一出發已經好開心，且為方便大家跟車，仲將私家車換成保姆車，並歡迎各家傳媒一齊跟跑。
台灣《蘋果》直擊，63歲嘅發哥今早由隨行人員陪同下，6點半離開酒店，身穿呢兩日晨跑必備嘅招牌螢光黃運動防風外套，精神爽利同大家揮手打招呼。問佢今日要去邊？佢就話：「你們就跟著我跑吧。」打趣謂要跑到飛機場搭飛機。講完「一會見」，親切幫大家簽埋名，發哥就上保姆車出發。
發哥知道媒體關心他行程，所以保姆車速度唔快，等大家可以順利跟車，相當貼心。車隊一路來到陽明山，天色原本陰雨綿綿，也逐漸放晴。發哥車隊一路沿著仰德大道上山，7點24分抵達佢噚日嚟過嘅二子坪步道，再同保鑣一同上山，還跟傳媒約好：「我20分鐘後下山，你們在這裏等我。」
不過發哥慢跑上山時，都有部份傳媒跟住跑，無奈發哥腳程快，反而係俾發哥折返遇到，發哥仲笑：「每天都跑，你們就會跟我一樣健康」最估佢唔到嘅係，發哥仲突然倒跑，同傳媒傾偈……
最後返番去起點處，發哥大聲嗌：「等大家都到了補合影給你們！」現場爆出一陣歡呼！
發哥話，佢好喜歡陽明山，所以兩日都嚟，仲建議記者落山之後要做腳底按摩紓緩，又笑大家：「你們沒有運動吼？」提醒跑步重心要往後。至於何時再來台灣？佢話：「秋天吧，秋天天氣好。」最後仲貼心地，跟所有傳媒一一自拍，而大合照亦一如慣例，由發哥揸機。
9點36分，發哥返回酒店，記者問佢餓唔餓？佢話：「要吃了，你們餓嗎？要一起來嗎？」
| 台灣《蘋果日報》圖片 | | |
| | | |
| | | |
| | |
|
鍾意就快D Share啦！
|
|
|