熱爆娛樂: 【鄭紹康恭迎梁振英】齊惜福！前特首女梁齊昕現身同妹妹撐父母 _

2018年10月9日星期二

好耐冇見嘅前特首女梁齊昕，上個月佢先至剛剛度過27歲生日，今年佢就冇大肆慶祝，可能大個女變得低調咗好多。

而噚晚喺尖沙嘴舉行嘅「齊惜福」慈善籌款晚宴2018，就請來前特首梁振英，同埋夫人梁唐青儀出席並上台致詞，而佢兩個女，梁齊昕同梁頌昕都有出席。

梁齊昕一身紅裙，悉心打扮，精神唔錯，佢同細妹仲玩下影相功能嘅自拍apps，二人「化身」兔女郎貼上ig，齊昕仲拍片影下晚宴嘅環境，同埋影下鄭俊弘喺台上唱歌。

今次梁齊昕難得出席公開活動，除咗撐下父母場，仲係撐佢嘅公關好友鄭紹康（Francis），今年五月Francis生日齊昕都有去賀佢。梁齊昕雖然近年低調咗，差唔多絕跡社交網，不過好積極做公益，私下會幫動物團體做義工，而且佢家中都有養狗，所以佢閒時去修讀一些關於寵物嘅課程。

精選娛聞，喺晒《娛果》

http://fb.com/appledailyent

梁齊昕同妹妹梁頌昕現身慈善活動。（右圖ig截圖）	鄭紹康恭迎前特首梁振英到場，梁齊昕正喺後面落緊車。	 梁齊昕捧好友鄭紹康場。（ig圖片）
 梁齊昕同妹妹梁頌昕玩影相apps，化身兔女郎。（ig截圖）	 梁齊昕（右一）、梁頌昕（右二），聯同媽咪梁唐青儀（左三）與其他嘉賓合照。

鍾意就快D Share啦！