現年23歲的𡃁模謝芷蕙（Cammi）出道初期一直寂寂無聞，因為流出與陳冠希的親密照，成為「陳冠希舊愛」而為人熟悉，但新聞未有為她的事業帶來突破發展，反而識男友方面就越來越貴，她又經常在網上貼相放閃。P得圖多，令Cammi變成高手，她直言對自己的外貌好滿意，更為五官及身形打分。
採訪：陳杰
攝影：陳俊強
場地提供：Kir Royal
謝芷蕙被形容為P圖高手，日前她接受《蘋果》專訪時說：「一張靚相最緊要角度，我好着重相嘅細節，首先會微微推瘦身形，跟住會執大對眼，調番色，因為有時喺街上影相冇藍天白雲，我會將天空推藍啲。我注重成張相結構，唔止個樣，我成日睇Ig啲外國blogger，想學佢哋咁。」
| | |
用兩個apps執相
提到P圖，Cammi指不同角度、全身相或是半身相都不同，她說：「放大張相睇，如面太瘦就推圓少少，有時影手角度特別幼，就會推番勻稱，用『無他相機』app都其實唔使點執，有時燈光唔夠，同個人膚色唔靚，我會推番白啲。我有時都用『美顏』相機，跟住用『Vsco』app調色，相執靚就任務完成，可以鋪上Ig，一張相大約花15分鐘執相。」
問到對靚女的審美觀？Cammi認為要自然、清新，又指現在不流行濃妝，太俗及造作。她又說：「睇靚女，相同身形都要計分，我偏向鍾意歐美網紅，鍾意自然不造作嘅女仔。我細個化過妝濃，打扮誇張，黐好大塊眼睫毛，可能覺靚，但𠵱家大個咗，覺得越簡單越靚。」
至於自己哪一個部位最靚？Cammi表示喜歡鎖骨：「可以『養金魚』，係天生，夏天會鍾意着一字領衫，其他部位合格啦，五官都合格有60分，好滿意，但腳可以瘦少少，最好可以減到50kg，或者將全身嘅肉變肌肉，我要勤力做吓運動。」
被網友揶揄似蛇精
Cammi曾過度P圖，被網友揶揄似「蛇精」，她說：「以前可能覺得靚，執相會夾硬將眼變大，臉變到好瘦，以前審美觀唔同，𠵱家執相反而會將塊面執肥啲，真係太瘦太凹，有時遠影，朋友輪流執自己樣，我見自己個樣，某角度覺太瘦太凹，就會執番闊少少，唔難照推。」Cammi又爆男友易先生會幫她執相。
|
鍾意就快D Share啦！
|
|
|